kurinthiyon ke naam doosri chitthi 6:1-18
6 parmeshvar ke saath kaam karte huye+ hum tumse yah bhi guzarish karte hain ki parmeshvar ki maha-kripa sweekar karne ke baad us kripa ka maksad mat bhoolo.+
2 isliye ki woh kehta hai, “manzoori paane ke vakt mainne teri suni aur uddhaar ke din teri madad ki.”+ dekho! abhi khaas taur par manzoori paane ka vakt hai. dekho! abhi uddhaar ka woh din hai.
3 hum kisi bhi tarah se thokar khaane ki koi vajah nahin dete taaki hamari seva mein koi dosh na paaya jaaye.+
4 har tarah se hum parmeshvar ke sevak hone ka saboot dete hain,+ dheeraj se kai pareekshayen sehkar, dukh-takaleefein, tangi aur mushkilein jhelkar,+
5 maar khaakaar, kaid mein rehkar,+ dangon ka saamna karke, kadi mehnat karke, jaagte huye raatein kaatkar, bhookhe pet rehkar,+
6 shuddhta, gyaan, sabraa,+ kripa+ aur pavitra shakti se, bina kapat pyar karke,+
7 sachchi baatein bolkar, parmeshvar ki taakat se,+ daayen* aur baayen* haath mein neki ke hathiyar lekar,+
8 izzat paane aur beizzat hone ke samay, hamare baare mein buri khabar failne aur achhi khabar failne ke samay. hamein dhokha denevale samjha jaata hai magar hum sachche hain,
9 hum anjanon jaise hain fir bhi mashhoor hain, marne par hain* fir bhi dekho! hum zinda hain,+ hum aise hain maano hamein saza di gayi hai magar maut ke havale nahin kiya gaya,+
10 dukh mananevalon jaise hain magar hamesha khush rehte hain, gareebon jaise hain fir bhi bahoton ko ameer banate hain, maano kangal hain fir bhi hamare paas sabkuch hai.+
11 kurinthiyo, hamne khulkar tumse baat ki hai, hamne tumhare liye apne dilon ko bada kiya hai.
12 hamne dil kholkar tumse pyar kiya hai+ magar tum pyar karne mein tangadil ho.
13 isliye apne bachche jaankar main tumse kehta hoon ki tum bhi apne dilon ko bada karo.+
14 avishvasiyon ke saath bemel juye mein na juto.*+ kyonki neki ke saath dushtata ki kya dosti?+ ya raushni ke saath andhere ki kya saajhedari?+
15 aur maseeh aur shaitan* ke beech kya taalmel?+ ya ek vishvasi* aur ek avishvasi ke beech kya samaanta?+
16 aur parmeshvar ke mandir ka moorton+ ke saath kya samjhauta? isliye ki hum jeevit parmeshvar ka ek mandir hain,+ theek jaisa parmeshvar ne kaha hai, “main unke beech nivas karoonga+ aur unke beech chaloonga-firoonga aur main unka parmeshvar bana rahoonga aur woh mere log bane raheinge.”+
17 “yahova* kehta hai, ‘isliye unmein se baahar nikaal aao aur khud ko unse alag karo aur ashuddh cheez ko chhoona band karo,+ tab main tumhein apne paas le loonga.’”+
18 “sarvashaktiman parmeshvar yahova* kehta hai, ‘aur main tumhara pita banoonga+ aur tum mere bete-betiyaan banoge.’”+
kai footnote
^ shaayad maarne ke liye.
^ shaayad khud ko bachane ke liye.
^ ya “hamein marne ke laayak samjha gaya.”
^ ya “judo.”
^ shaa., “baliyal.” yah ek ibrani shabd se nikala hai jiska matlab hai “nikamma.”
^ ya “vishvasyogya insan.”
