નફરતને કઈ રીતે દૂર કરી શકાય?
૧ | બધાને એકસરખા ગણીએ
ઈશ્વરે શાસ્ત્રમાં જણાવ્યું છે:
“ઈશ્વર પક્ષપાત કરતા નથી. પણ દરેક દેશમાં જે કોઈ તેમનો ડર રાખે છે અને સારાં કામ કરે છે, તેને તે સ્વીકારે છે.”—પ્રેરિતોનાં કાર્યો ૧૦:૩૪, ૩૫.
એનો શું અર્થ થાય?
ઈશ્વર યહોવા * બધા દેશ, જાતિ, રંગ, ભાષા કે સંસ્કૃતિના લોકોને એકસરખા ગણે છે. તે એ જુએ છે કે આપણું દિલ કેવું છે. “માણસ તો બહારનો દેખાવ જુએ છે, પણ યહોવા દિલ જુએ છે.”—૧ શમુએલ ૧૬:૭.
તમે શું કરી શકો?
એ સાચું છે કે ભગવાનની જેમ આપણે બીજાઓના દિલમાં શું છે એ જોઈ શકતા નથી. પણ આપણે બીજાઓને સારી રીતે ઓળખી તો શકીએ છીએ. એવું ન વિચારો કે ફલાણી જાતિ કે ભાષાના બધા લોકો એકસરખા હોય છે. યાદ રાખો દરેક વ્યક્તિ અલગ હોય છે. જો તમને કોઈ જાતિ કે ભાષા કે રંગના લોકો ન ગમતા હોય તો શું કરી શકો? તમે ભગવાનને પ્રાર્થના કરો કે તમારા મનમાંથી આવા ખરાબ વિચારો કાઢવા તે તમને મદદ કરે. (ગીતશાસ્ત્ર ૧૩૯:૨૩, ૨૪) જો તમે સાચા દિલથી યહોવા ભગવાનને પ્રાર્થના કરશો તો તે તમારી પ્રાર્થના ચોક્કસ સાંભળશે. બધાને એકસરખા ગણવા તે તમને મદદ કરશે.—૧ પિતર ૩:૧૨.
^ ફકરો. 6 પવિત્ર શાસ્ત્રમાં ઈશ્વરનું નામ યહોવા છે.—ગીતશાસ્ત્ર ૮૩:૧૮.
“પહેલાં મેં ક્યારેય કોઈ ગોરા માણસ સાથે બેસીને શાંતિથી વાત પણ કરી ન હતી. હવે હું એવા કુટુંબનો ભાગ છું જ્યાં કોઈ પણ જાતનો રંગભેદ કે જાતિભેદ નથી. તેઓ વચ્ચે સાચો પ્રેમ છે.”—ટાઈટસ
બીજી માહિતી જુઓ
ચોકીબુરજ
યહોવા “પક્ષપાતી નથી”
ઈશ્વર પોતાના ભક્તોની જાતિ, દેશ કે સામાજિક દરજ્જો જોતા નથી. તે બધા ભક્તોની પ્રાર્થના સાંભળે છે. તમે એ કેવી રીતે જાણી શકો?
