BIRIBI A IBOTUM ESUA HO ADZE
Sɛ Egye Ber Sua Adze Yie A, Ɔbɔboa Wo Ma Eesiesie Woho Ama Dza Obesi Biara
Kenkan Daniel 9:1-19 na ibohu dɛ sɛ egye ber sua adze yie a, ɔbɔboa wo paa.
Susu asɛm a nna woesi dada no ho. Nna ebɛn nsɛm na osisii nnkyɛree, na ɔmaa Daniel tsee nka dɛn? (Dan. 5:29–6:5) Sɛ ɔwo nye Daniel a, nkyɛ ebɛtse nka dɛn?
Hwehwɛ mu kɔ ekyir. Ebɛn ‘nwoma krɔnkrɔn’ na bi a Daniel hwehwɛɛ mu no? (Dan. 9:2; w11-TW 4/1 12 ¶2) Ebɛnadze ntsi na Daniel kaa no bɔn na ɔsan so kaa Israelman no hɔn bɔn no? (Lev. 26:39-42; 1 Ahe. 8:46-50; dp-TW 182-184) Ebɛn nsɛm na Daniel kae wɔ ne mpaabɔ no mu a ɔma yehu dɛ nna osua Nyankopɔn n’Asɛm no yie?—Dan. 9:11-13.
Dwendwen esuadze a ɔwɔ mu no ho. Bisa woho dɛ:
-
‘Ebɛnadze na mebɛyɛ na maamma nsɛm a orisisi wɔ wiadze yi mu no anngye m’adwen?’ (Mic. 7:7)
-
‘Dɛ mbrɛ Daniel gyee ber suaa Nyankopɔn n’Asɛm no, sɛ mara so meyɛ dɛm a, ɔbɔboa me dɛn?’ (w04-TW 8/1 12 ¶17)
-
‘Ebɛn ndzɛmba na sɛ megye ber sua ho adze a, ɔbɔboa me ma ‘maakɔ do aweɔn’?’ (Matt. 24:42, 44; w12-TW 8/15 5 ¶7-8)