AYEGHLE 6
Za mbemba dzam aa yane bewu ?
1. Za mbemba fuèñ da deghe bewu ?
Éyong Yésu a mbe a si va, aa mbe a bele mvuiñ, Lazare, é nga totobe a Béthanie, bebéñ Jérusalem. Dzô ézing, ane mvuiñ dzèñ te é nga wu, Yésu nya a van zu siane a béthanie e kuane naa melu me nii me lôr-hang. A ne a nga ke song ba Marta ye Maria, be kal é môr a nga wu. Étèñ te fe, nkuna bôr ô nga man sulan. Tam siman aval mevakh Marta ye Maria be nga bele éyong Yésu a nga ve naa Lazare a bera ning ?—A lang Jean 11:21-24, 38-44.
Abong te Marta a nga yem-hang é mbemba fuèñ da deghe bewu. Aa mbe éé yem naa, Jehôva a ye wôme bewu naa be bera ning a si va.—A lang Job 14:14, 15.
2. Bewu be ne z’étoo ?
Nzame a nga dzô Adam naa : “Ô ne metek éde fe wa ye bulan metek.”—ATARGHA 3:19.
Moan môr a ne mboan ye metek (Atargha 2:7 ; 3:19). Bii se ki minsisim mia ning a nyôl minsôn été. Bi ne mvelan ye minsôn, éde da bo naa éyong bia wu, ékila ézing ye me nyôl maa da bera ki ning. Éyong bia wu, é boo waa nya fe a wu, mesiman maa ye ényeghe daa bia fe bia mane dzang. Édeeng, nge bewu béé bele ki fe ôsiman ézing, Lazare éé mbe ki kanghle dzam ézing ye éyong a mbe n’wuan.—A lang Bya 146:4 ; Ecclesiaste 9:5, 6, 10.
Ye Nzame aa waa bobebôr a nduan été éyong be wu-hang ? Aval Bible aa lere naa bewu béé bele ki fe ôsiman, éde bia yem de naa tôtôlan é ne ayeghle minal da ve Nzame éyôla abé. Amu ôsiman ôsiman naa aa dzighe bôr a nduan été da subane nye vine n’nem.—A lang Jérémie 7:31.
Deghe éngengeng Bewu be tele étéñ é vé ?
3. Ye bewu be ne kobe ye bia ?
Bewu be ne keghe kobe, keghe wokh (Bya 115:17). Ve daa ngura éyong, é b’angel be ne abé be wôle ñong king nkobe ye éfônan é bôr be wu-hang (2 Pierre 2:4). Jehôva aa kili naa môr a veghle sili bewu minsili.—A lang Deuteronome 18:10, 11.
4. Za a ye wôme ?
Bizuk bi bôt be wu-hang ba ye bera ning a si va. Mben é bôr bevokh be ye été béé dze ki yem Nzame ye bo mbia bemam ba ye wôme.—A lang Luc 23:43 ; Bisè Mintôl 24:15.
Bewôme ba ye bele magha naa be yeghe bebela a tsinan Nzame, ye bo Yésu mewokh aval da lere naa ba bunu nye (Melere 20:11-13). É bôr ba ye bo mbemba bemam, é be ba ye deng ôba ye éning é ne mbèmbèè a si va.—A lang Jean 5:28, 29.
5. Za dzam awôme da yeghle bia ébe Jehôva ?
Nzame a nga ve naa ngakh y’awôme é bo ébubu, éyong a nga lôm ndôma dzèñ naa éé zu wu akal daa. Awôme da yeghle bia abuiñ mam me ye ényeghe dzèñ ye mvam dzèñ. Za mina kômô dang yen a wôme ?—A lang Jean 3:16 ; Beromain 6:23.
