É fuèñ da dzô naa bôr ba ye ning mbèmbèè a si va, é ne a bible été (Bya 37:29). Bible a bele boan bekalare 66. Nzame a nga belan bôt 40 ba bunu nye naa be tsili Bible. Moze é nye a nga tsili bekalare betane ba tare, dzam te é ntoo bo mimbu 3 500. Ntôl Jean é nye nga tsili é kalare a sughlan, dzam te é lôr-hang mimbu 1900. Mesiman za betsili Bible be nga belan mo ? Me ne mesiman Nzame, se ki éé mieba, amu Nzame a nga kalan be medzô mèñ ye mbemba nsisim wèñ (2 Samuel 23:2). Akal te éde Jehôva a ne Bible tsin.​—A lang 2 Timothée 3:16 ; 2 Pierre 1:20, 21.

Deghe éngengeng Bible aa so ébe za ?

Bia yem naa Bible aa so ébe Nzame amu aa tugha bia kat é mam ma ye boban melu ma zu. Môr ézing éé bele ki aval ngul te (Josué 23:14). Foghe ve é Nzame aa dang ngul, é nye étam a ne dzô é mam ma ye lôt melu ma zu keghe vus.​—A lang Ésaïe 42:9 ; 46:10.

Aval da yiane é ne naa, abak da so ébe Nzame daa yiane ki fônan abak a fe. É ne Bible a ne aval abak te. Be nga kulu tang bizuk-bizuk ye konghlan nye tang mintet minkobe. Afiang bo n’nôm abak, baa be nkel-n’yeman ba kuiñ king fokh. Édi avokh é ne naa, é bôr 40 be nga tsili Bible béé dzi ki selan meking. * Bible aa lere foghe ényeghe Nzame. A ngen fe a bele ngul da ve naa bôr be kôm bining bieba. Mam mete ma yemle mbunan bizuk bibôt, naa kalare te aa so foghe ébe Nzame.​—A lang 1 Bethessalonicien 2:13.

Deghe éngengeng Aval avé bi ne yem nge Bible a kobe bebela?

Bible a bele nlô adzô wa tsinan mbemba mefuèñ ma lere naa, Nzame a bele nkôman (ôsiman) wa lere naa aa nyeghe boan bebôt. Aa lere aval bi nga dzimle mbemba éning ya paradis asumgha, ye fe aval Nzame a ye bia sughlan bera ve paradis.​—A lang Melere 21:4, 5.

Abak te é bele metsing, besôsôe ye melepgha. Da kanghle fe​—nlang élar é ne é zang Nzame ye boan bebôt, nlang te wa lere aval môr Nzame a ne. Éde Bible a ne we vole naa ôô yem Nzame. Aa lere wa aval ô ne bo angom dèñ.​—A lang Bya 19:7, 11 ; Jacques 2:23 ; 4:8.

Nso kalare wi, ô ne we vole naa ôô wokh Bible nge wa tong aval Yésu a nga bobo. A nga lelang bifus bi ya Bible ye tugha ve “Kalare Nzame meyili.”​—A lang Luc 24:27, 45.

Za dzam afe é ne bera bo n’nem mevakh e lôre mbemba mefuèñ me ye Kalare Nzame ? Abuiñ bôt da bian medzô me Nzame, bevokh ki ba yen naa maa ndeghle be. Ve ô taa sili mô ôsi. Niène ve e yeghe a yem Nzame éde é ne ve naa ô ning mbèmbèè ya mbèmbèè.​—A lang Jean 17:3.