Bann Proverb 18:1-24
18 En dimoun ki pa frekant personn i mazin zis son prop lekor.
I pa aksepte* lasazes.
2 En dimoun ki bet pa anvi konpran nanryen.
I plito anvi koz lo sa ki li i anvi koz lo la.
3 En move dimoun pou ganny meprizeE en dimoun ki fer bann keksoz ki fer kanmi pou onte.
4 Bann keksoz ki en dimoun i dir i parey delo profon.
Sours lasazes i parey en larivyer ki pe kontinyen koule.
5 I pa byen pour fer lapreferans pour en move dimounOubyen pour anpes en dimoun ki fer sa ki byen* ganny lazistis.
6 En dimoun ki bet i dir bann keksoz ki fer dimoun dispitE sa ki i dir i fer li ganny bate.
7 En dimoun ki bet i dir bann keksoz ki fer li ganny problenmE sa ki i dir i en latrap pour li.*
8 Sa ki en dimoun ki fann rimer i dir i parey bann pti bout manze ki bon.*
En dimoun i anval sa manze e i desann dan son vant.
9 En dimoun ki fer pares dan son travayI frer sa dimoun ki fer problenm.
10 Non Zeova i en latour for.
En dimoun ki fer sa ki byen i tay laba e i ganny proteze.*
11 Larises en dimoun ris i son lavil ki ganny proteze avek bann gro miray.
I krwar ki sa i en miray ki pe protez li.
12 Lorgey dan leker en dimoun i fer li tonbeE limilite i fer en dimoun ganny laglwar.
13 Ler en dimoun i reponn avan ki i tann sa ki’n vreman arive,Sa i bet e i ganny imilye.
14 Ler en dimoun i pozitif sa i kapab ed li ler i malad,Me lekel ki kapab andire ler i dekouraze?*
15 Leker en dimoun ki entelizan i rod konnesansE zorey en dimoun ki saz i rod konnesans.
16 Ler en dimoun i donn en kado, sa i ouver bann laport pour liE sa i fer li zwenn bann dimoun enportan.
17 En dimoun ki koz premye pour defann son lekor i paret ki i annan rezon,Ziska ki sa lot dimoun i vin demann li kestyon.*
18 Ler zot tir osor* sa i fer zot aret dispitE i rezourd problenm ant* bann dimoun for.
19 I pli fasil pour pran en lavil ki ganny proteze avek bann gro miray dan plas fer en frer ki ofanse aret ankoler.
I annan bann dispit ki parey bann bar lo bann baro dan en landrwa proteksyon.
20 Sa ki en dimoun i dir* i parey manze ki fer son vant plen.
Son vant pou plen avek bann keksoz ki i dir.
21 Lalang en dimoun i kapab fer dimoun viv oubyen mor.
Bann dimoun ki kontan servi li i bezwen aksepte son konsekans.
22 En zonm ki ganny en bon madanm i’n ganny en bon keksozE i ganny laprouvasyon* Zeova.
23 En dimoun pov i sipliye ler i pe koze,Me en dimoun ris i reponn dan en fason brit.
24 I annan bann zanmi ki pare pour kraz kanmarad,Me i annan en zanmi ki pli fidel ki en frer.
Bann not
^ Oubyen “I pa kontan.”
^ Oubyen “dimoun ki drwat.”
^ Oubyen “son lavi.”
^ Oubyen “i parey bann keksoz ki ganny anvale dan en fason voras.”
^ Literalman, “i ganny lev anler,” setadir, kot personn pa kapab fer li nanryen, en landrwa ki an sekirite.
^ Oubyen “vreman dekouraze?”
^ Oubyen “rod laverite lo li.”
^ Vwar Leksplikasyon bann mo.
^ Literalman, “separ.”
^ Literalman, “labous.”
^ Oubyen “labonte.”