INỌTA 5
De Emwi Ne Baibol Wa Mobọ Guan Kaẹn?
“I gha ru ẹre ne uwẹ vbe okhuo nii khian oghian egbe, I ghi vbe ru ẹre ne emọ ni ke uniẹn ruẹ rre kevbe ọmọ nọ ke uniẹn okhuo nii rre gha re eghian egbe. Ọmọ nii gha lọkọ uhunmwu ruẹ, wẹ ghi vbe sa ẹre vbe ighinghianwẹ.”
Gẹnẹsis 3:15
“La obọ ovbuẹ rre, agbẹnvbo hia vbe uhunmwu otagbọn gha miẹn afiangbe, rhunmwuda ne u na danmwehọ mwẹ.”
Gẹnẹsis 22:18
“Gi Arriọba ruẹ rre. Gia gha ru emwi ne u hoo vbe agbọn na, zẹvbe na vbe ru ẹre vbe ẹrinmwi.”
“Vbe nẹi khian ghi kpẹẹ gbe, Osanobua ne ọfunmwegbe ke obọ ẹre rre gha guọghọ e Setan ye ototọ owẹ ọghe uwa.”
“A gha ghi viọ emwi hia ye ototọ ẹre nẹ, Ọmọ ghi vbe rhiegbe ẹre ye ototọ Osanobua nọ viọ emwi hia ye ototọ irẹn, ẹghẹ nii, Osanobua ghi wa gha khaevbisẹ yan emwa hia.”
“Ebraham kevbe ovbi ẹre, ẹre Osanobua ru eyan ma . . . , ọni ọre Kristi. Yevbesọni, adeghẹ ọghe Kristi ẹre uwa khin, ọni rhie ma wẹẹ ivbi Ebraham ẹre uwa gele khin.”
“Arriọba ọghe agbọn na khian Arriọba ọghe Enọyaẹnmwa nẹ kevbe ọghe Kristi ne irẹn zẹ, ọ ghi gha kha zẹvbe ọba, vbe etẹbitẹ ya sẹ etẹghori.”
“Erriọ ẹre a ghi ya fi ugbogiorinmwi ne gẹdẹgbẹ nii fua gha die uhunmwu otagbọn; irẹn ọre ẹyẹn nẹdẹ nii na tie ẹre Esu kevbe Setan, irẹn ẹre ọ mu otagbọn hia rẹrẹ. A keghi fi ẹre fua gha die uhunmwu otagbọn, ke irẹn kevbe avbe odibo ẹre.”
“Ọ keghi mu ugbogiorinmwi nii, ọni ọre ẹyẹn nẹdẹ nii, nọ re Esu kevbe Setan, ọ na muẹn gba vbe ukpo arriaisẹn ọkpa (1,000).”
