INỌTA 6
De Emwi Ne Baibol Ta Yotọ Vbekpa E Mezaia?
ẸMWẸ AKHASẸ
“Bẹtlẹhẹm Ẹfrata, . . . uwu uwẹ, ẹre I gha ke rhie nọ khaevbisẹ ladian ne Izrẹl.”
Maika 5:2
VBENE Ọ YA SUNU HẸ
“Vbe a ghi biẹ e Jesu nẹ vbe Bẹtlẹhẹm ọghe Judia, vbe ẹghẹ ọghe Hẹrọd ne ọba, ọbo eso ni tie orhọnmwẹ, keghi ke odẹ Ekẹn gha die Jerusalẹm.”
ẸMWẸ AKHASẸ
“Iran keghi ghae ukpọn mwẹ ne egbe iran, iran na vbe yan uta ye ukpọn mwẹ.”
Psalm 22:18
VBENE Ọ YA SUNU HẸ
“Ivbiyokuo ghi kan e Jesu mu erhan nẹ, iran na viọ ẹwu nọ yọ ke odukhunmwu, iran na ghae ẹre ye ihe enẹ . . . Iran keghi vbe mu ẹwu nọ yọ ke otọ, na wa do ke odukhunmwu ya sẹ otọ; ẹ i mwẹ ehe na na dọlọe kugbe. Iran na ghi tama egbe iran wẹẹ: ‘Wa ghẹ gia yanghaẹn, sokpan, wa gia yan uta yọ, na mieke na rẹn ọmwa nọ gha muẹn.’”
ẸMWẸ AKHASẸ
“Te ọ wa gbaroghe ugboloko ẹre hia; a ma vbe bun ugboloko ọghẹe rhọkpa.”
Psalm 34:20
VBENE Ọ YA SUNU HẸ
“Iran ghi sẹ ehe ne Jesu ye, iran na do miẹn wẹẹ, ọ kẹ ọre ya wu nẹ; rhunmwuda ọni, iran ma ghi bunnọ ọnrẹn owẹ.”
ẸMWẸ AKHASẸ
“Rhunmwuda orukhọ ọghe ima, a na ya asoro so ẹre.”
Aizaia 53:5
VBENE Ọ YA SUNU HẸ
“Ọkpa vbe ivbiyokuo nii keghi so asoro ye ọre efẹn, ẹre esagiẹn kevbe amẹ na ladian.”
ẸMWẸ AKHASẸ
“Iran na ha mwẹ osa, esiliva ọgban (30) ẹre iran rhie mẹ.”
Zẹkaraia 11:12, 13
VBENE Ọ YA SUNU HẸ
“Iyeke ọni, ọkpa vbe uwu iran Iweva nii, na tie ẹre Judas Iskariọt, keghi bu avbe ọkaolotu ohẹn, ọ na wẹẹ: ‘De emwi ne uwa khian rhie mẹ, vbe I gha mu e Jesu ye uwa obọ?’ Iran na wẹẹ iran gha viọ esiliva ọgban (30) nẹ.”
