Ẹmwẹ ne Osanobua hoo ne ima họn vbe ẹdẹnẹrẹ, ẹre ọ rre uwu e Baibol. E Baibol keghi ru iyobọ ne ima ya rẹn vbene ima khian ya runagban hẹ vbe ẹdagbọn ima, kevbe emwi ne ima gha ru, ne Osanobua mieke na miẹn ima yi. Ọ vbe rhie ewanniẹn ye avbe inọta ni rre ototọ mwa:

Ebe 66 ẹre ọ rre Baibol. Abọ eva ẹre a ghae ẹre yi: Ebe Nọhuanrẹn Na Ya E Hibru Kevbe Aramaik Gbẹn (“Ile Nẹdẹ”) kevbe Ebe Nọhuanrẹn Na Ya E Grik Gbẹn (“Ile Ọghe Ọgbọn”). Ebe 27 ẹre ọ rre Ebe Nọhuanrẹn Na Ya E Grik Gbẹn, okha ọghe ẹdagbọn e Jesu Kristi ẹre ọ ya suẹn. Dọmwadẹ ebe ni rre Baibol keghi mwẹ chapter (uhunmwu ẹnrẹn) kevbe uviẹn. A gha sunu ye ako rhọkpa vbe ebe nọhuanrẹn, enọmba nọ sikẹ eni ebe ọghe Baibol ọre uhunmwu ẹnrẹn, enọmba nọ ghi lelẹe ọre uviẹn ọnrẹn. Vbe igiemwi, Matiu 1:1 ọre ebe Matiu, uhunmwu ẹnrẹn 1, uviẹn ọnrẹn 1.