Jue Mun 103:1-22
Davidi i jue-ɔ.
103 Ń mánmán Zoova.
Maan min wunnɛn wunmuan’n mɛnmɛn i dunman m’ɔ ti sanwun’n.
2 Ń mánmán Zoova.
Min wla su fiman like kwlaa ng’ɔ yoli’n su le.+
3 Ɔ yaci ɔ fɔnlɛ’m be kwlaacɛ wɔ,+yɛ ɔ yo maan sa yaya kwlaa nga be o ɔ su’n be wie.+
4 Ɔ yi ɔ kunman’n* nun fite,+yɛ ɔ fɛ i sran klolɛ dan’n nin i aunnvɔɛ silɛ’n, ɔ fa wla ɔ ti kɛ famiɛn kle sa.+
5 Ɔ man wɔ ninnge kpakpa+ ɔ nguan blɛ’n kwlaa nun,ɔ maan a ka gbanflɛn titi, yɛ a ɲan wunmiɛn titi kɛ anunman ɲin sa.+
6 Zoova yo sa ng’ɔ ti kpa’n+ nin sa ng’ɔ ti i nuan su sɛsɛ’n
man be nga be kle be yalɛ’n.+
7 Ɔ fɛli i atin mun kleli Moizi,+ɔ fali sa ng’ɔ yo’n kleli Izraɛlifuɛ mun.+
8 Zoova yaci sa cɛ, yɛ ɔ si aunnvɔɛ,*+
ɔ faman ya ndɛndɛ, yɛ ɔ klo sran dan.+
9 Ɔ kaman sran’n i ijɔlɛ’n su sa trilili,+yɛ ɔ faman sran wun ya siemɛn i klun sa tititi.+
10 Ɔ nianman e sa tɛ’m be su yoman e sa,+ɔ nianman fɔnlɛ nga e fɔn’n su yoman e sa.+
11 Afin klolɛ ng’ɔ yi i nglo be nga be sro i’n be lika’n,ɔ ti dan.
Ɔ ti kɛ ɲanmiɛn m’ɔ la nglo lɔ plaii’n fa o asiɛ’n i ti su nglonglo mmua lɔ’n sa.+
12 Ɔ yo maan e nin e sa tɛ mun e afiɛn’n ti nun
kɛ wia afiliɛ’n nin wia atɔliɛ’n be afiɛn’n ti nun ju’n sa.+
13 Kɛ siɛ kun fa si i mma’m be aunnvɔɛ’n sa’n,Zoova si be nga be sro i’n be aunnvɔɛ.+
14 Afin ɔ si like ng’ɔ fa yili e’n,+ɔ si kɛ e ti fa.+
15 Klɔ sran’n i cɛn’m be ti kɛ ijre’n i liɛ’n sa.+
Ɔ bo nɲrɛ kɛ blo lɔijre’n sa.+
16 Sanngɛ kɛ aunmuan’n fita’n, kpɛkun be wunmɛn i kun,ɔ ti kɛ ɔ nunman lɛ laa sa.
17 Sanngɛ Zoova yi i sran klolɛ dan’n i nglo tititi
be nga be sro i’n be lika,+yɛ ɔ yi i sa nuan su sɛsɛ yolɛ’n i nglo be mma’m be mma liɛ’m be lika,+
18 ɔ yi i nglo be nga be di i aenguɛ’n su’n be lika,+yɛ ɔ yi i nglo be nga be nian nun be nanti i ndɛ’m be su’n be lika.
19 Zoova tɛkɛli i famiɛn bia’n i kpa ɲanmiɛn su lɔ.+
Ɔ sie like kwlakwla.+
20 Maan amun kwlaa amun manman Zoova, amun mɔ amun ti i anzi mun’n,+ mɔ amun le wunmiɛn kpa’n,amun mɔ amun yo maan i ndɛ’n kpɛn su’n,+ mɔ amun ti i aniɛn’n.
21 Maan amun kwlaa amun manman Zoova, amun mɔ amun ti i sonja mun’n,+amun mɔ amun ti i sufuɛ mɔ amun yo i klun sa’n.+
22 Maan amun kwlaa amun manman Zoova, amun mɔ amun ti i sa nuan ninnge’n,lika kwlaa ng’ɔ sie be’nbe nun.
Maan min wunnɛn wunmuan’n manman Zoova.
