Tikki dakdanak au, pinda ma hami sekeluarga tu jonok ni Leipzig, Jerman Timur, dang dao i sian perbatasan ni negara Ceska dohot Polandia. Tikki marumur onom taon au, pinda karejo ma bapakku. Diboan ma hami parjolo tu Brazil, dung i tu Ekuador.

Tikki marumur 14 taon au, dipamasuk ma au tu sikkola na adong asramana di Jerman. Ala dao do natua-tuakku di Amerika Selatan, ikkon boi ma au mangurus dirikku sandiri. Gabe mandiri ma au, jala huhilala dang porlu au diurupi na asing. Alani i, dang hea hupikkiri perasaan ni halak.

Tikki marumur 17 taon au, mulak ma natua-tuakku tu Jerman. Mulana sajabu do hami. Alai ala dang lomo rohakku diatur-atur, gabe maol ma huhilala sajabu dohot halak i. Ujungna tikki marumur 18 taon au, dang sajabu be au dohot nasida.

Ala dang huboto tujuan ni ngolukku, gabe dang tenang perasaanku. Dung huparrohahon gaya hidup ni piga-piga kelompok, gabe huboto ma aha na ikkon huulahon. Menuruthu ikkon hupakke do ngolukku lao mengelilingi planet bumi na bagak on, sebelum dihancurhon jolma i.

Jadi hutuhor ma kareta, hutinggalhon ma Jerman, jala lao ma au tu Afrika. Alai dang leleng dukkon i, ikkon mulak do au muse tu Eropa lao padenggatton karetakki. Dukkon i, lao ma au tu pantai na adong di negara Portugal. Disi huputusson ma dang markareta be au mardalani, alai markapal nama.

Bergabung ma au tu kelompok ni akka na poso na paradehon kapal na lao berlayar tu Samudera Atlantik. Disi pajuppang ma au dohot si Laurie, na ujungna gabe istrikku. Parjolo-jolo, berlayar ma hami tu Kepulauan Karibia. Sian i lao ma hami tu Puerto Riko, dung i mulak ma hami muse tu Eropa. Dung i, hulului hami ma kapal layar na naeng dibahen gabe tempat tinggalnami. Alai dung tolu bulan hami mangalului i, gabe sundat do rencananami i. Alana dijou do au asa dohot tu dinas militer Jerman.

Saleleng 15 bulan ma au bertugas di Angkatan Laut Jerman. Tikki na martugas i au, menikah ma au dohot si Laurie. Jala bercita-cita dope hami lao berlayar mengelilingi portibi on. Sebenarna sebelum dohot au tu dinas milliter i, nungnga dituhor hami hian badan ni kapal penyelamat. Jadi tikki martugas au di dinas militer, huhut do hutukkangi kapal i asa boi gabe kapal layar. Rencanana disi ma hami tinggal sambil mengelilingi portibi on. Dung sae dinas militerhi, dang sae dope kapal i hutukkangi. Di tikki i pajuppang ma hami dohot Saksi Jahowa jala marsiajar Bibel ma hami.

Di mulana huhilala dang porlu au muba. Alana resmi do au menikah dohot istrikku jala dang marisap be au. (Epesus 5:5) Taringot rencananami lao mengelilingi portibi on, hurasa dang sala i. Denggan do molo tapakke ngolutta lao mamparrohahon toppaan ni Debata na tung massai uli.

Alai sebenarna porlu do au muba, tarlumobi ikkon hupauba do sifathu. Ala sombong au jala terlalu mangasahon dirikku, gabe habis ma tikkikku holan lao mangulahon lomo ni rohakku. Holan naeng pasonakkon dirikku do tujuan ni ngolukku.

Di sada tikki, hujaha ma jamita ni Jesus na terkenal na digoari Jamita di Dolok. (sian Mateus pasal 5-7) Di mulana, dang huattusi na didok Jesus disi taringot marlas ni roha. Contohna, didok ibana marlas ni roha ma halak na mauas male. (Mateus 5:6) Sukkun-sukkun do rohakku boha do carana marlas ni roha halak na susa. Alai lam godang na huparsiajari, gabe huboto ma aha lapatan ni hata ni Jesus i. Sebetulna sude do jolma porlu jonok tu Debata. Alai ikkon serep do rohatta mangakkui i asa boi jonok hita tu Ibana. Dos ma i songon na didok Jesus, “Marlas ni roha ma na mamboto rikkot ni marale-ale tu Debata.”​—Mateus 5:3.

Mulana di Jerman do hami marsiajar Bibel. Dukkon i pinda ma au dohot si Laurie tu Perancis, sian i pinda ma muse hami tu Italia. Alai manang tu dia pe hami lao, sai pajuppang do hami dohot Saksi Jahowa. Salut do au mangida nasida. Alana marsihaholongan do nasida jala marsada. Na huida marsihaholongan do sude Saksi Jahowa di liat portibi on. (Johannes 13:34, 35) Ujungna, tardidi ma au dohot si Laurie, gabe Saksi Jahowa ma hami.

Nang pe nga tardidi au, porlu do au torus paubahon sifathu. Sebelumna nungnga berencana au dohot si Laurie lao berlayar tu pesisir Afrika. Sian i berlayar ma hami tu Samudera Atlantik asa boi sahat tu Amerika Serikat. Tikki di tonga-tonga ni laut hami na dua di bagasan kapal na gelleng, huida ma lautan na bidang i. Gabe husadari ma dang sadia hape hami molo dibandingkon tu Sitoppa saluhutna na luar biasa i. Ala dang adong na boi diulahon hami di tonga ni laut, gabe godang ma tikkikku lao manjaha Bibel. Tikki hujaha taringot parngoluon ni Jesus tikki di tano on, hona do i tu rohakku. Sempurna do Jesus, godang do na boi diulahon ibana, alai dang hea ibana manganggarhon dirina. Justru, dipakke ibana do ngoluna mangulahon lomo ni roha ni Bapakna.

Dung hurimangi sitiruon na sian Jesus i, huboto ma ikkon Harajaon ni Debata do na uppetting di ngolukku. Ikkon uppetting do i sian lomo ni rohakku. (Mateus 6:​33) Dung sahat hami di Amerika Serikat, huputusson hami ma tinggal disi. Gabe boi ma godang tikkinami mangulahon lomo ni roha ni Debata.

Najolo holan dirikku do na hupikkiri. Alai, dang tenang perasaanku. Saonari, nungnga martujuan be ngolukku ala mangasahon Hata ni Debata. (Jesaya 48:17, 18) Hupakke do ngolukku lao manomba Debata jala mangurupi akka halak asa boi mananda Ibana.

Lam kompak do au dohot si Laurie ala diulahon hami Hata ni Debata. Adong do sada borunami, bagak do ibana. Jala las do rohanami ala holong do rohana tu Jahowa.

Sipata adong do masalah di ngolunami. Alai bertekad do hami, dang olo hami menyerah jala torus do hami mangasahon Jahowa.​—Poda 3:​5, 6.