Surat tu Huria na di Kolosse 2:1-23
2 Naeng do nian di rohakku botoonmuna akka naung huulahon sian nasa gogokku humokkop hamu, humokkop akka halak na di Laodikea,+ dohot humokkop sude halak na so hea mangida au.
2 Anggiat ma tarapul roha ni nasida,+ marsada di bagasan holong,+ jala mandapot pasu-pasu alani parbinotoan ni nasida na takkas jala na sittong. Dung i, dapot ni nasida ma parbinotoan na bagas taringot tu rahasia na badia ni Debata, i ma Kristus i.+
3 Di bagasan ibana do buni saluhut bisuk dohot parbinotoan na massai arga.+
4 Hupaboa do on tu hamu asa unang adong na mangaliluhon hamu marhite akka hata na paoto-otohon.
5 Nang pe dang rap au dohot hamu alai tu hamu do rohakku. Las do rohakku ala taratur hamu+ jala togu haporseaonmuna di bagasan Kristus.+
6 Ala nungnga dijalo hamu Kristus Jesus Tuan i, toktong ma hamu marpangalaho songon ibana.
7 Songon naung diparsiajari hamu, ikkon marurat do haporseaonmuna,+ togu, jala dipajongjong di ginjang ni Kristus i.+ Jala toktong ma hamu mandok mauliate.+
8 Manat ma hamu tu akka halak na naeng mamparhatoban hamu* marhite ajaran ni jolma dohot akka hata na so marguna na so sian Kristus i.+ Sian adat ni jolma dohot sian akka na mangarajai portibi on do i.
9 Ai di bagasan ibana do tarida sude parange ni Debata,+
10 jala dang hurangan manang aha be hamu di bagasan ibana. Ibana do na mangarajai sude pamaretta dohot parhuaso.+
11 Ala nungnga marhaporseaon hamu tu Kristus i, nungnga disunat be hamu. Dang marhite sunat na binahen ni jolma, alai marhite pasidikkon giot-giot ni daging na mardosa i.+ Ai songon i do disunat akka siihutton Kristus i.+
12 Nungnga dikubur be hamu rap dohot ibana marhite pandidionna.+ Jala dipahehe do hamu+ rap dohot ibana alani haporseaonmuna tu akka ulaon ni Debata na balga, na pahehehon ibana sian akka na mate.+
13 Nang pe naung mate hamu alani akka dosamuna jala ala dang marsunat hamu, dipangolu Debata do hamu rap dohot Kristus.+ Ai burju do Debata manesa sude dosatta+
14 jala nungnga disesa saluhut patik+ na patuduhon+ na marsala hita.+ Disesa Debata do patik i marhite hamatean ni Kristus di hau partinaonan.*+
15 Ditaluhon ibana do akka pamaretta dohot akka parhuaso. Jala dibahen ibana do nasida gabe sitottonon ni halak,+ patuduhon naung talu nasida.
16 Alani i unang ma adong halak na manguhumi hamu alani sipanganonmuna dohot siinumonmuna,+ alani akka perayaan, alani perayaan bulan baru,+ manang alani Sabat.+
17 Ai gombaran tu akka na lao masa do i sude,+ alai Kristus i do anggo na sasittongna.+
18 Manat ma hamu tu akka halak na mangabbati hamu manjalo upa i.+ Ai songon na toruk do roha ni nasida idaon jala disomba nasida do akka suru-suruan. Holan akka na tarida do dihaporseai nasida* jala dianggarhon nasida do pikkiran ni nasida na so marguna.
19 Dang marsihohot nasida tu ulu i,+ na mangalehon na porlu tu daging i jala na pasadahon daging i marhite akka urat dohot akka sibuk. Dung i gabe magodang ma daging i alani Debata.+
20 Molo nungnga mate hamu rap dohot Kristus jala dipasiding hamu akka na sian portibi on,+ boasa ma diihutton hamu dope portibi on di parngoluonmuna? Jala boasa dope diihutton hamu akka paretta na mandok,+
21 “Unang tiop on! Unang pangan on! Unang jama on!”
22 Holan tu akka na lao marujung do paretta on, na mangihutton patik dohot ajaran ni jolma.+
23 Dibahen nasida pe paretta i, ala naeng lomo-lomona do manomba Debata. Songon na toruk ma roha ni nasida idaon jala dibahen nasida do na haccit tu dagingna.+ Nang pe songon na marbisuk idaon akka paretta i, alai dang marguna i lao mangalo giot-giot ni daging.
Surat na di toru
^ Manang “naeng mamboan hamu gabe mangsana”.
^ Songon na binahen ni agama na so sittong.
