Tutu do di Bagasan Roha Harajaon ni Debata?
Na didok Bibel
Daong. Harajaon ni Debata, dang situasi na di bagasan roha ni halak Kristen. a Lao paboahon didia do sasittongna tempat ni Harajaon ni Debata, didok Bibel do i “Harajaon banua ginjang”. (Mateus 4:17) Saonari, taida ma buktina sian Bibel na patuduhon na tutu do pamarettaon i mamaretta sian surgo.
Harajaon ni Debata adong do na mamaretta, adong rakyatna, adong hukumna, jala adong do tugas na ikkon diulahon lao pasautton lomo ni roha ni Debata di surgo dohot di tano on.—Mateus 6:10; Pangungkapon 5:10.
Pamarettaon ni Debata, manang Harajaon ni Debata, lao mamaretta tu “sude halak na sian akka bangso dohot bahasa” di saluhut portibi on. (Daniel 7:13, 14) Huaso lao mamaretta langsung ro sian Debata, dang sian rakyatna.—Psalmen 2:4-6; Jesaya 9:7.
Dipaboa Jesus do tu akka apostelna na setia, molo nasida lao “hundul di tahta” rap dohot ibana mamaretta di Harajaon ni Debata di surgo.”—Lukas 22:28, 30.
Adong do musu ni Harajaon ni Debata, jala musuna i lao dimusnahon.—Psalmen 2:1, 2, 8, 9; 110:1, 2; 1 Korint 15:25, 26.
Dang adong diajarhon di Bibel molo Harajaon ni Debata i adong di bagasan roha manang mamaretta Harajaon ni Debata i di bagasan roha ni sasahalak. Alai didok do di Bibel, “barita na uli taringot tu Harajaon i” sasittongna boi do mempengaruhi rohatta.—Mateus 13:19; 24:14.
Aha do maksudna “di bagasan hamu do Harajaon ni Debata i”?
Godang do halak bingung tikki manjaha Lukas 17:21 di piga-piga terjemahan ni Bibel taringot didia do tempat ni Harajaon ni Debata. Contohna di Bibel siganup ari, didok do “di bagasan hamu do Harajaon ni Debata i”. Asa boi taattusi aha do maksud ni ayat on, ikkon taparrohahon do ayat sebelumna dohot ayat na selanjutna.
Harajaon ni Debata dang di bagasan roha ni musu ni Jesus na kejam jala na keras kepala
Tu halak Parise do didok Jesus ayat i, i ma sekelompok pemimpin agama na mangalo Jesus jala na mambahen rencana lao mambunu ibana. (Mateus 12:14; Lukas 17:20) Jadi masuk akkal do molo Harajaon ni Debata i adong di bagasan roha ni halak Parise na keras kepala i? Didok Jesus do tu nasida, “Anggo di rohamuna gok do gabus dohot hajahaton.”—Mateus 23:27, 28.
Alai adong do piga-piga terjemahan ni Bibel na akurat menerjemahon hata na didok Jesus di Lukas 17:21. Contohna, “Di tonga-tongamuna do Harajaon ni Debata.” (Terjemahan Dunia Baru) Harajaon banua ginjang na “di tonga-tonga” ni halak Parise, lapatanna, Jesus na jongjong di tonga-tonga ni nasida i do na dipillit Debata gabe Raja.—Lukas 1:32, 33.
a Godang do agama Kristen na mangajarhon, molo Harajaon ni Debata i adong di diri ni sasahalak manang di bagasan roha ni sasahalak. Contohna songon na didok Gereja Baptis Selatan na di Amerika Serikat, “pamarettaon ni Debata i adong di bagasan ni roha dohot di ngolu ni sasahalak”. Suang songon i ma Paus Benediktus XVI mandok di bukkuna na marjudul Jesus of Nazareth, “molo Harajaon ni Debata i ro sian roha ni halak na porsea”.
Mungkin Lomo do Rohamuna Mamboto
AJARAN NI BIBEL NA PENTING
Aha do Harajaon ni Debata I?
Tikki di tano on Jesus, taringot Harajaon ni Debata do na paling sering dipaboa ibana. Saleleng marratus taon, sai ditangiakkon akka halak do asa ro Harajaon ni Debata.
JOUJOU PABOAHON
Ise do Raja ni Harajaon ni Debata?
Dipaboa akka panurat ni Bibel do piga-piga hatorangan manang perincian taringot ise na lao gabe Raja di tano on. Jala holan Jesus Kristus do na cocok tu sude hatorangan manang perincian i.
ALUS NI BIBEL
Aha do na Lao Diulahon Harajaon ni Debata?
Akka on ma na lao dinikmati hamu molo dung mamaretta Harajaon ni Debata tu tano on.
NA DIAJARHON DI BIBEL
Coba ma Marsiajar Bibel Dohot Hami
Dohot ma hamu marsiajar Bibel gratis na langsung diurupi sasahalak.