Kikii Mbôgi Yéhôva i ngwés Djob yak ni bôt bap ba libôk, jon i ngwés le i kabna nwin u Bibel lôñni bôt bape, yak ni i bôt ba bi bôk ba kal bo le: “Di gwé bé ngôñ i emble bé.” (Matéô 22:37-​39) Gwéha di ngwés Djob yon i ntinde bés i nôgôl mbén i Man wé i i nkal le di “bok mbôgi.” (Minson mi baôma 10:42; 1 Yôhaness 5:3) Ngéda di boñ hala, wee di nlegel nwin u Djob legel ni legel, kiki bapôdôl ba Djob ba behee. (Yérémia 25:4) Inyule di ngwés bôt ba libôga jés, jon di noode añle bo “miñañ minlam mi Ane” mi tohi, to yak bôt ba ba bi bôk ba kal bés le ba gwé bé ngôñ i emble bés.​—Matéô 24:14.

 Di mbéna koba bôt ba ba sédne bés maôô ngéda di yé di témb mu mandap i het ba bi bôk ndugi tjél emble bés. Di béñge ki manjom maa ma ma nit i jam li:

•   Bôt ba mbéna héñha mayééne.

•   Bôt bape mu ikété mandap ma, ba yé ba sédne bés maôô inyu emble nwin wés.

•   Bôt ba héñha. Mam ma nkoñ isi tole mam ma mut nyemede, ma yé ma tinde nye i ôt mahoñol inyu yi le a “nyébél i mbuu,” a sôk a bôdôl diihe nwin u Bibel. (Matéô 5:3) To i bet ba nkolba bés ba nla héñha mu miñem nwap kikii ñôma Paul.​—1 Timôtéô 1:​13.

 Jon, di nyégsa bé mut nye ki nye ni nwin wés. (1 Pétrô 3:​15) Di nyi le hiki mut nyen a nlama yoñ mé makidik nyemede inyu bégés Djob.​—Ndiimba Mbén 30:19, 20.