Zəbur 98:1—9
-
Yehova xilaskardır, ədalətli hakimdir
-
Yehova qurtuluşunu izhar etdi (2, 3)
-
Məzmur.
98 Yehovanın şəninə yeni nəğmə oxuyun,+O, xariqələr yaratdı,+Sağ əli ilə, müqəddəs qolu ilə qurtuluş gətirdi.+
2 Yehova qurtuluşunu izhar etdi,+Ədalətini xalqların önündə nümayiş etdirdi.+
3 İsrail evinə vəd etdiyi məhəbbəti və sədaqəti yada saldı.+
Allahımızın verdiyi xilas dünyanın hüdudlarında aşkar oldu.+
4 Ey dünya, Yehovaya zəfər nidaları yüksəlt,Şadlan, haray sal, Allahın şəninə nəğmələr söylə.+
5 Yehovanı çəngdə tərənnüm et,Çəngdə, gözəl hava ilə.
6 Kərənay, şeypur səsləri altında+Padşah Yehovanın önündə zəfər harayı ucalt.
7 Qoy dəniz, onun içindəkilər,Yer üzü, onun sakinləri gurlasın.
8 Qoy çaylar əl çalsın,Dağlar birgə sevinc harayı salsın+
9 Yehovanın önündə, çünki O, dünyanı mühakimə etməyə gəlir.
Dünyanı ədalətlə,Xalqları insafla mühakimə edəcək.+