Zəbur 31:1—24
Dirijora. Davudun məzmuru.
31 Sənə sığınmışam, ey Yehova,+Qoyma xəcil olum.+
Ədalətin naminə məni qurtar.+
2 Qulağını mənə sarı əy,İmdadıma çat, məni xilas et.+
Dağ üstündə istehkamım ol,Möhkəm bir qalatək hifz et məni.+
3 Axı yalçın qayam, istehkamım Sənsən,+Adın naminə+ məni yönəldirsən, yol göstərirsən.+
4 Məni gizlində qoyulmuş tordan qoruyarsan,+Axı qalam Sənsən.+
5 Ruhumu Sənin əlinə əmanət edirəm.+
Ey haqq Allahı*+ Yehova, Sən məni qurtarmısan.
6 Mənasız, boş bütlərə səcdə qılanlara nifrət edirəm,Mən Sənə arxalanıram, ey Yehova.
7 Sənin məhəbbətində hədsiz sevinc tapacağam,Çünki əzab-əziyyətimi gördün,+Qəlbimdəki dərdi bilirsən.
8 Məni düşmən əlinə salmadın,Ayaq qoyduğum yeri genişləndirirsən.
9 Dardayam, ey Yehova, mənə lütf göstər,Dərddən gözümün nuru sönüb,+ vücudum quruyub.+
10 Ömrüm qəm-qüssə ilə,+İllərim ah-zarla keçir.+
Təqsirim ucbatından məndə taqət qalmayıb,Sümüklərim əriyib gedir.+
11 Mənə rişxənd edir bütün düşmənlər,+Qonum-qonşu isə onlardan betər,Tanış-biliş məndən səksənir,Çöl-bayırda məni görəndə qaçırlar.+
12 Ölmüş adam kimi yadlarından çıxmışam, unudulmuşam.
Sınıq qab kimi olmuşam.
13 Çoxlu iftiralar eşidirəm,Hər yandan məni dəhşət bürüyür.+
Onlar mənə qarşı birləşir,Canımı almaq üçün tədbir tökürlər.+
14 Amma mən, ey Yehova, Sənə güvənirəm.+
«Allahım Sənsən!»+ — deyirəm.
15 Həyatım Sənin əlindədir,Məni düşmənlərin, təqibçilərin əlindən qurtar.+
16 Üzünün nurunu qulunun üstünə sal,+Məhəbbətinlə məni qurtar.
17 Ey Yehova, Səni çağıranda qoyma xəcil olum.+
Qoy şər adamlar rüsvay olsunlar,+Qoy onlar Məzarda* sussunlar.+
18 Yalançı dillər,Salehin əleyhinə lovğalıqla, həqarətlə danışan azğın dillər lal olsun.+
19 Sənin kəramətin necə boldur!+
Onu səndən qorxanlar üçün saxlayırsan,+Hamının önündə Sənə sığınanlara göstərirsən.+
20 Onları insanların qəsdindən qoruyubHüzurunun pənahına alırsan;+Davakar dillərdənÇadırında gizlədirsən.+
21 Şükür olsun Yehovaya!
Mühasirəyə düşmüş şəhərdə ağlasığmaz yollarla mənə məhəbbətini göstərdi.+
22 Təlaşa düşüb demişdim:
«Gözlərinin qabağından yox olacağam».+
Lakin Səndən imdad diləyəndə fəryadımı eşitdin.+
23 Yehovanı sevin, ey Onun sadiq bəndələri!+
Yehova vəfalı bəndələri hifz edər,+Təkəbbürlü adamın cəzasını artıqlaması ilə verər.+
24 Siz, ey Yehovaya güvənənlər,+Cəsur olun, möhkəm olun!+
