Zəbur 146:1—10
146 Yaha alqış edin!+
Qoy bütün varlığım Yehovaya alqış etsin!+
2 Ömrüm boyu Yehovaya alqış edərəm,Nə qədər ki varam, Allahımı nəğmələrdə tərənnüm edərəm.
3 Əsilzadələrə,Qurtuluş verə bilməyən bəşər oğluna güvənməyin.+
4 Onun ruhu* çıxır, özü torpağa qayıdır,+Düşüncələri həmin gündəcə yox olur.+
5 Xoşbəxtdir o kəs ki, köməyi Yaqubun Allahıdır,+Ümidi Allahı Yehovadır.+
6 O Allah ki göyü, yeri,Dənizi, onları dolduran hər şeyi yaradıb,+Həmişə sədaqətlidir,+
7 Məzlumun haqqını qoruyur,Aclara çörək verir.+
Yehova məhbusları azad edir.+
8 Yehova korların gözlərini açır,+Yehova qəddi əyilənləri dikəldir,+Yehova salehləri sevir.
9 Yehova qəribləri qoruyur,Yetimə, dul qadına arxadır,+Pislərinsə niyyətini alt-üst edir.+
10 Yehova əbədiyyən padşah olacaq,+Ey Sion, Allahın nəsildən-nəslə padşah olacaq.
Yaha alqış edin!
Haşiyələr
^ Yaxud nəfəsi. Lüğətdə «ruh» sözünə bax.