UKUBUKA OKWEZWE
Ukuhlolisisa IYurophu
Nakuba yake yahileleka kakhulu enkolweni, iYurophu ayisazihlanganisile nayo kangako. Noma kunjalo, izindaba zakamuva zaseYurophu zihlobana neBhayibheli ngezindlela ezingakumangaza.
Izinzuzo Zezwi Likamama
Abacwaningi baseMilan, e-Italy, baphetha ngokuthi izinsana ezizalwe kungakabi isikhathi zizuza kakhulu ngokwempilo ngokujwayelaniswa nezwi likanina ngomshini ofakwa esihlakaleni sosana lusesesibhedlela. Leli su lizama ukulingisa indlela ingane ezwa ngayo izwi likanina ngesikhathi isesibelethweni. Ucwaningo lwaphetha ngokuthi, “Ukulalela izwi likanina zisencane, kuyazizuzisa izingane ezizalwa ngaphambi kwesikhathi.”
OKUSHIWO IBHAYIBHELI: “Ngiwududuzile futhi ngawuthulisa umphefumulo wami. Njengengane elunyuliwe kunina.”
Ukukhuthaza Ukuzazisa?
Ngokocwaningo olwenziwa ezinganeni ezingu-565 eNetherlands, izingane ezinabazali abazichaza “njengezikhetheke kakhulu kunezinye” nanjengezingane okufanele “ziphathwe kangcono” zavelela kakhulu kunezinye, ekuhlolweni okuphathelene nokuzazisa futhi zazwakalisa imizwa yokuziphakamisa nokuthanda igunya. Umlobi walolu cwaningo uthi, “Izingane ziyabakholwa abazali bazo lapho bezitshela ukuthi zingcono kunezinye. Lokho kungase kube ingozi kuzo noma emphakathini.”
OKUSHIWO IBHAYIBHELI: “Ngitshela wonke umuntu lapho phakathi kwenu ukuba angazicabangi emkhulu kunalokho okudingeke ukuba akucabange; kodwa acabange ukuze abe nengqondo ehluzekile.”
Abevile Ekhulwini Leminyaka Abanethemba Lokuhle
Naphezu kokugula nobuthaka emzimbeni, abantu abevile ekhulwini leminyaka, banesifiso esijulile sokuphila, kubika abacwaningi baseNyuvesi iHeidelberg, eJalimane. Kwabane okwaxoxwa nabo, abathathu babekuthanda ukuphila futhi benza konke abangakwenza ukuze bakujabulele ngokugcwele. Bafeza imigomo yabo, babenethemba lokuhle, babenomuzwa wokuthi ukuphila kwakunenjongo, futhi balondoloza izinkolelo zabo nezimiso zokuziphatha.
ONGACABANGA NGAKHO: Njengoba kuboniswe kumShumayeli 3: