Bilumbu biabi, batu bobo beta vanga mambu mamboti bayikidi bafioti. Batu bobo bam’bela bakembolo lukinzu beta temina minganga, bobo beta kue dila mu zirestora bazitisanga ko batu bobo beta batudila bidia, bobo beta voyaje mu bivio bobo bakembolo disiplini beta nuanisa batu bobo beta sadila muna, bana ba nzo nkanda basie bue monisa ko bifu bimboti ku nzo nkanda, mu phila bayika kanina ayi nuanisa bayisi bawu, ayi bapfumu zinkaka zi politiki beta vanga mambu makiadi mu thangu yoyi bankaka balembo kiniemisa ti beta vanga mambu mamboti.

 Bukiedika, mu Bibila muidi na lutuadusu lolo lufueni mu matedi ba bikadulu bimboti. Ayi kilembo tusudikisa bila mbi batu bekila mavanga mambimbi bilumbu biabi.

 Kambu kumonika ku mambu mamboti, koko tulembo yolukila—mu nza yimvimba—yidi mu matedi bikadulu bimboti, kimutu kimboti ayi mu mambu momo madi mafuana.

•   Mambu momo Khubukulu yi Gallup (yoyi batu bawombo beta kinzika) yibakudi mu zithombolo ziozi batudidi mu bilumbu bibedi, yimonisini ti basi medika balembo yindula ti batu ku États-Unis basiedi ko kimutu kimboti bilumbu biabi viokila phila bubedidi mu 22 ki mimvu miomi mime vioka.

•   Mu ankete yinkaka batudidi kuidi 32 000 ki batu mu 28 ki zitsi, dimonikini ti bilumbu biabi batu kuandi bafioti balembo vangi mambu mamboti viokila phila bubedidi mu mimvu mibedi.

 Bibila kibikula mavanga momo tulembo moni bilumbu biabi.

•   “Mu bilumbu bitsuka, muela ba zithangu ziphasi. Bila batu bela ba buimi, bela ba bakundi ba zimbongo, bela ba luniemo, bela ba lunangu, bela ba mimvuezi mi mambu ma Nzambi, bela ba matingu kuidi bambuta ziawu, bela zabanga ko vutula matondo, . . . bela ba batu bakambulu luzolo, [ayi] bela ba batu batsita.”—2 Timote 3:1-3, Nkanda wu moyo.

 Muingi wuzaba mambu mawombo matedi phila mbikudulu beni yilembo lunginina, tanga disolo ditubidi ti “Biblia esakolaki makambo oyo bato bazali kokanisa mpe kosala lelo oyo?”

 Buba ti mu nza mavanga mamboti malembo zimbila, zimilio zi batu bame bakula ti mu Bibila muidi na lutuadusu lolo lufueni mu matedi ba bikadulu bimboti. Zindongi zi Bibila mu matedi ba kimutu kimboti ‘zikindusu mu zithangu zioso ayi mu kadika mvu.’ (Minkunga 111:8) Tala mua ndambu bifuani:

•   Diambu mbi Bibila kitubidi: “Mambu moso . . . lutidi ti batu baluvangila mawu mamveno lufueti kuba vangila.”—Matayi 7:12.

   Tsundu: Tufueti vangila batu bankaka mambu mu buphombo ayi mu lukinzu loso, banga kuandi phila beto phe tueta tila batuvangila.

•   Diambu mbi Bibila kitubidi: “Lubika vunasana beno na beno, vayi, bika kadika mutu katuba mambu ma kiedika kuidi ndiandi.”—Efeso 4:25.

   Tsundu: Tufueti tubanga ayi vanganga mambu momo madi ma kiedika.

 Muingi wuzaba mambu mawombo matedi diambu beni, tukunlomba wutanga:

•   Nzo yi Nkengidi yoyi yidi ntu disolo “Mabe ná malamu—Nini ekosalisa yo osala bokeseni?”

•   Disolo “Kotika moto asala oyo alingi—Ndenge oyo Biblia ekoki kosalisa.”