Joovah lé yè sitsa’ a mbou mbang-a pô wôngwi. Ndoo sitsa’ si ngô a ji’ zi A lé tchoungté nguè mpè nang wou. Ndôk nguè, a lè té pôô mvhô gning mbang-a pô mvhô méngwi Adam pô Èva nguè pô zhité wônkheu, épi shi’ nang a lepwhouô—a lé ghé ghô poup, mbô a lé la’ nzii mvhô mbôô mé ange épi nangtè lepwhou. (Job 38:4, 7) Poup tè, Ndem lé neung mvhô gning mbang-a a nteu paradissi éyi a lé tchoungté. A lè ji’ mbông tè’, mè tông lè nka’ Éden. (Genèse 2:15-17) Joovah lé yè éshheu a mbou Adam pô ngwuèt zi, a lé fou zôkô njou’ô mbong-ô té la’ nkwheu a ndoo sitsa’.​—Tông-ô Psaume 37:29; 115:16.

A lé ghé zii, nka’ Éden mèt nda’ mé ghô paradissi. Mé mvhô mémô’ô lé pôngtè lé zhité wônkheu tè sitsa’ la’ ndouô mé ngwuèt zôp. Pô lé nông ngô toung-né sitsa’ ntseum, té pôkô mô’ azou é ping gheu tè a tchi’è paradissi. (Genèse 1:28) Sitsa’ jiô té la’ taka. Épouô ménông fou la’ zôkô nang-a wou.​—Tông-ô Psaume 104:5.

Jiô vidéo Ndem a lé pôô sitsa’ mela’akô?

Adam pô Èva lé seukè thou a mbou Joovah. Mela’poup tè, a lé fhô nka’ Éden nnaa wôp, poup tè, mè lôk mbii paradissi. Tè tsôô gning laa ping nkou’ô yi lé zeung ntchoungté ndoo sitsa’ tè ghô mbông poup-ô. Biible leu nguè: “Té nfhou éfœu’ mèt, épouô tépông mè ghô sa’a ngông.”—Job 9:24.​—Tông-ô Genèse 3:23, 24.

Tè Joovah lé wa’ akwangté zi a lé ghé pôô épouô ménông ngwè? Ngang! A si ngô Ndem éteue tseum. A pou mbik té nkia azou nda’ ngheu. (Isaïe 45:18) A shi’ gheu pa’ a lé ghé pôô épouô ménông, é nông nkwangtè poup.​—Tông-ô Psaume 37:11, 34.

Ndoo sitsa’ shi’ tchi’è paradissi éfœu’ zi Yésso, efô Lefô Ndem, a shi’ nông sa’a ngông. Yésso shi’ tsang mé ange, pô  pôp lôk ntchou Armaguédon mbik nkwa méghang-mboo Ndem. É ping kouèt-è Sèta, é ma’a yi nguia thœuè tè ngou’ 1000 (ntsa’) é la’ ntôk. Yésso a shi’ tsang méghang-afa’ Ndem é ping kaptè wôp tè pô tsuèt. Pô ping ngwè lénang temi a nteu paradissi a ndoo sitsa’.​—Tông-ô Révélation 20:1-3; 21:3, 4.

Ndem shi’ pou pik ngueô’ a ndoo sitsa’ é seung-è? Yésso lé yè ‘aying-né’ zi shi’ ghiité nguè nzôkô é tshouté tè mbaaté. Ntsi zi ngông-ô tsétsông-ô mbou nku’nè mbeukè poup é si ntsui nguè mélé’é mimpè mouô si ngô “ménzôknzeum lé’é la’ ngông jiô.”​—Tông-ô Matthieu 24:3, 7-14, 21, 22.

A shi’ ghô anè méngou’ 1000 émi Yésso fhô lepwhou tè sa’ ndoo sitsa’, a gheu tè ntsi-ntsi ngueô’ é pou mi. (Isaïe 9:6, 7; 11:9) Yésso té lèè shi’ ghô Efô nda’a, a shi’ zeung ghô a mia Ntsui-poukeum. É ping fhou poup, é pou tsi’né mélô’ épouô pi é kông-ô Ndem. Ndem shi’ tsia anè Yésso é gheu tè aghôô, lézwing pô legwheu é pou mii.​—Tông-ô Isaïe 25:8; 33:24.

Épouô pi jou’ ntchou Ndem shi’ nang a nteu paradissi. (1 Jean 2:17) Yésso lé too mézingto pi nguè pô gheuô fa’ épouô pi nông-nèt assi, mbing nzi’nè wôp pa’ pô ghô gheu poup tè Ndem a veung-è wôp. Anè aya’a, Joovah nông mbètè épouô ménông pa’ pô shi’ nang a nteu paradissi a ndoo sitsa’ poup. (Sophonie 2:3) A nteu ménguia tchou’té Ménjheuè-njiô Joovah, épouô ménông zi’nè lé tchi’ mépông méloo, mémbông mémô’ô, mépông mémia mbô mépông wôngwi. Wônkheu pô mémô’ô wou’tè Ndem mbing nzi’né pa’ pô ghô gheu poup té njheuè apè anè ménkeu mbông émi fhô a mbou Ndem.​—Tông-ô Michée 4:1-4.