Lefô Ndem si ngô Lefô tsi theuè lepwhou. É shi’ pik méngomna ntseum, é ping gheu tè lékông Ndem a ghô ngheu gheu a ndoo sitsa’ pa’ a theuè lepwhou ngô poup. Nkeu wouô mèt anè Lefô Ndem, é mbông. Nkwa pia, Lefô Ndem shi’ nguiè épouô ménông ajoumi si nking-è a mbou pôp. É shi’ gheu nkwa épouô ménông a ndoo sitsa’ é tchi’è ta’.​—Tông-ô Daniel 2:44; Matthieu 6:9, 10; 24:14.

Étsiè lefô lè, é pôngtè lé wè yi efô. Joovah lé zô’ô meung yi Yésso Kristo, nguè a tchi’è Efô anè Lefô Tsi. Tông-ô Révélation 11:15.

Jiô vidéo Lefô Ndem é si ngô akô?

Meung Ndem a si ngô kwa’ mbông Efô mela’mi a pông-nou mbing sa’ mé ndeung-ndeung. (Matthieu 11:28-30) A zeung ngwuè pawa lé lôk nkuité épouô ménông mela’mi a shi’ fhô theuè lepwhou tè sa’ ndoo sitsa’. A lé zimné anè leghweu, mbeu mé lepwhou mbing nang anè apou teue Joovah nzu’té. (Hébreux 10:12, 13) Afœu’è ping kou’, Ndem yè yi pawa lé lôk sa’.​—Tông-ô Daniel 7:13, 14.

Yésso shi’ sa’ a theuè lepwhou pô nnô éyi mè tông lè ‘épouô ndaané-laané’. (Daniel 7:27) Mvhô épouô a nnô ‘épouô ndaané-laané’ épi Ndem lé kang, é lè mézingto Yésso épi lé wè temtesèt. Té nfhou poup ntshiè aya’a, Joovah lé ping nzeung nku’né nkang émô’ wômbang-a pô wôngwi épi wè temtesèt. Pa’ Yésso la, pô zimné pô mbeunèt ézi si ngô ajwakné.​—Tông-ô Jean 14:1-3; 1 Corinthiens 15:42-44.

 Épouô épi gheuô mé lepwhou, é méshi’ô? Yésso lé tông wôp lè “meung-è gha’a nnô.” (Luc 12:32) Pô métseum si ngô 144 000. Yésso pô pôp shi’ sa’ ndoo sitsa’ ntseum.​—Tông-ô Révélation 14:1.

Lefô Ndem lé zii a lé sa’ anè ngou’ 1914. * Mvhô azou zi Efô Yésso lé gheu, a lè yi lé ma’a Sèta pô mésitépông pi a ndoo sitsa’. Sèta pou nzang-a lông mbing zii lé fœu’té ménou tépông a ji’ tseum ndoo sitsa’. (Révélation 12:7-10, 12) Té nfhou poup, ménguengue épouô ménông si nku’nè tè’. Méntchou, méndzi, ngheu méghôô ntsi-ntsi, pô sitsa’ lé tchi’né méji’ méji’, é si ngô émô’ éshheu ‘ying-né’ zi si tsui nguè nkwa pia Lefô Ndem shi’ ntchoungté ndoo sitsa’.​—Tông-ô Luc 21:7, 10, 11, 31.

Anè aya’a, Lefô Ndem si ndôkô afa’ lé pheu nkeu, ntchou’tè épouô méla’ méla’. Épouô épi nông-nèt assi té ngô mémillion é si nkouô zôp nnô épouô pi Yésso si sa’a. Lefô Ndem shi’ ghé tak ngông tépông jiô, é kaptè wôp. Épouô métseum épi si kông-ô lé wè ntang-a anè Lefô Ndem pôngtè lé zi’né a lé jou’ ntchou Yésso.​—Tông-ô Révélation 7:9, 14, 16, 17.

Lefô Ndem é shi’ lôk ngou’ 1000, é tchoungtè akœuè-kœuè tè a ghô pa’ Ndem a lé ghé pôô épouô ménông é nông kwangtè poup. Ndoo sitsa’ ntseum shi’ pou tchi’è paradissi. Yésso shi’ ghé zôkô, é ping-né Lefô é yè mbou Mô’ô yi. (1 Corinthiens 15:24-26) O kwang nguè a ghô pông-ô awô gning lé zhè ajoumi Lefô Ndem si ngô ziè?​—Tông-ô Psaume 37:10, 11, 29.