Tsy zen̈y. Zahay Vavolombelon̈o Jehovah kristianin̈y. Kanefa zen̈y tsy mivolan̈a fa zahay Protestant. Ino mahavy zahay mivolan̈a zen̈y?

 Maro olo mivolan̈a fa Protestant zen̈y “fan̈avaozan̈a momba fivavahan̈a nindesin̈y nanohitry Fivavahan̈a Katolika.” Marin̈y fa Vavolombelon̈o Jehovah tsy man̈eky fampianaran̈a ataony Eglizy Katolika, kanefa zen̈y tsy mivolan̈a fa zahay Protestant. Ty antony:

1.   Maro amy raha inoany Protestant mifanohitry amy raha ampianariny Baiboly. Ohatra, Baiboly mivolan̈a fa “araiky fo Zan̈ahary”, fa tsy tokana olo telo. (1 Timoty 2:5; Jaona 14:28) Koran̈iny Baiboly mazava tsarabe fa haripaka Zan̈ahary olo jiaby ratsy fan̈ahy, fa tsy halefany amy motrobe zen̈y.—Salamo 37:9; 2 Tesalonianina 1:9.

2.   Zahay tsy manohitry na mifen̈y han̈ova Eglizy Katolika na fivavahan̈a hafa. Zahay mifen̈y mitory vaovao tsara momba Fanjakan̈any Zan̈ahary, ndreky man̈ampy olo hino vaovao tsara io. (Matio 24:14; 28:19, 20) Zahay koa tsy raha han̈ova fivavahan̈a hafa, fa mampianatra olo ny marin̈y momba Zan̈ahary amy Volan̈anany ao, tsy ino zen̈y fa Baiboly.​—Kolosianina 1:​9, 10; 2 Timoty 2:​24, 25.