Maromaro Baiboly efa ela ahitan̈a volan̈a “helo” na motrobe, amy toko sy andininy sasany. (Salamo 16:10; Asan’ny Apostoly 2:27 a) Hita amy sary amy lahatsoratra ty ato raha inoanolo maro momba motrobe io. Amindro, izio tany misy motro mizelazela mandrakizay, ke olo ratsy fan̈ahy sazin̈a amizio an̈y. Zen̈y ankitin̈y ma raha ampianariny Baiboly?

Amy lahatsoratra ty

•  Motrobe io ma tany fampijalian̈a olo mandrakizay?

•  Ino ma dikany fan̈oharan̈a nataony Jesosy momba lelahy pan̈arivo ndreky Lazarosy in̈y?

•  Izio ma olo koa fa mandeha amy motrobe zen̈y ma efa tsy mihavan̈a amy Zan̈ahary eky?

•  Izio ma efa nisy olo tafiboaka baka tamy motrobe io?

•  Toko sy andininy mikoran̈a momba motrobe, na Fasan̈a

•  Volan̈a tamy voanalohany tan̈y

•  Nanombohany fampianaran̈a momba motrobe

 Aha. Izikoa volan̈a tamy voanalohany nandikan̈a Baiboly efa ela sasany zahan̈a, dikany “helo” na motrobe (Hebreo: “Sheôl”; Griky: “Haides”) zen̈y “Fasan̈a”, izikoa atao volan̈a hafa fasan̈a misy olo jiaby efa naty. Koran̈iny Baiboly fa olo koa fa loso amy “Fasan̈a” io, izy efa tsisy eky.

•   Olo koa fa maty tsisy raha hainy eky, avio tsy maharen̈y tehotehoko foeky. “Anao koa fa avy amy Fasan̈a handihananao an̈y, efa tsisy asa na eritreritry na fahaizan̈a na fisiany jery eky.” (Mpitoriteny 9:10) Ke amy motrobe zen̈y tsy raha tany feno olo miafatrafatra mila vonjy. Karaha ty koran̈iny Baiboly: “Irarian̈a zaho tsy ho men̈atra koa fa mikaiky anao, Jehovah e! Anò ho voabaraka olo ratsy fan̈ahy, avio anò iro tsy hahavita hivolan̈a eky amy Fasan̈a ao.”​—Salamo 31:17; 115:17.

•   Fahafatesan̈a nataony Zan̈ahary saziny fahotan̈a fa tsy fampijalian̈a olo amy motrobe. Zan̈ahary nivolan̈a taminy Adama, lelahy voanalohany fa fahafatesan̈a io sazinany, izikoa izy tsy man̈araka lalàn̈any Zan̈ahary. (Genesisy 2:17) Zan̈ahary tsiary ndraiky nikoran̈a momba fampijalian̈a mandrakizay zen̈y foeky. Tafaranizin̈y, Adama koa fa nanota, karaha ty sazy nivolan̈iny Zan̈ahary taminany: “Anao fotaka, baka io hanjary fotaka koa.” (Genesisy 3:19) Nanjary tsy nisy eky Adama. Izikoa baka Adama nalefany Zan̈ahary tamy motrobe, tsy maintsy nivolan̈iny Zan̈ahary fo raha zen̈y. Tsy niova sazy namezany Zan̈ahary lan̈iany olo tsy man̈araka lalàn̈anany. Ela tafarany Adama nanota in̈y, karaha ty raha nirahiny Zan̈ahary nisoratiny panoratra Baiboly araiky: “Fahafatesan̈a valiny fahotan̈a.” (Romanina 6:23) Olo koa fa maty, izy “afaka madiodio amy fahotan̈anany”, ke tsisy antony tokony han̈amezan̈a sazy izy eky.​—Romanina 6:7.

•   Mampangaroharo Zan̈ahary foeky fampijalian̈a mandrakizay zen̈y. (Jeremia 32:35) Tsy mifan̈araka amy raha ampianariny Baiboly hevitry karaha zen̈y. Baiboly ao mivolan̈a fa “Zan̈ahary io fitiavan̈a.” (1 Jaona 4:8) Tiany Zan̈ahary izikoa fitiavan̈a mandrisiky atsika hanompo izy, fa tsy fahavozoan̈a tsao hampijalian̈a amy mandrakizay.​—Matio 22:36-38.

•   Olo tsara fan̈ahy mandeha amy motrobe. Koran̈iny Baiboly fa nisy panompony Zan̈ahary tsy nivadiky mba tihandeha taminy “helo” na motrobe. Karaha zen̈y Jakoba ndreky Joba. (Genesisy 37:35; Joba 14:13) Nata Jesosy Kristy koa mba nikoran̈iny Baiboly fa tamy motrobe, tan̈elan̈elany izy naty ndreky izy nivilomin̈y. (Asan’ny Apostoly 2:31, 32) Ke mazava baka amy zen̈y fa izikoa Baiboly mampiasa volan̈a “helo” na motrobe zen̈y, Fasan̈a fo raha tiany koran̈iny. b

 Izio fan̈oharan̈a nikoran̈iny Jesosy, amy Lioka 16:19-31 ao misy izio. Raha tiany Jesosy havian̈a tamizio, hampianatra olo momba fitondranten̈a ndreky hevitriny Zan̈ahary. Raha tsiary nisy lelahy pan̈arivo ndreky Lazarosy nikoran̈iny in̈y. (Matio 13:34) Izikoa tianao hahay raha maro momba fan̈oharan̈a io, zahava lahatsoratra “Azovy ma Lelahy Pan̈arivo Ndreky Lazarosy In̈y?”

 Aha. Tsy mifan̈araka amy raha koran̈iny Baiboly fampianaran̈a fa olo maty mbala mahatsiaro tafisaraka amy Zan̈ahary zen̈y. Baiboly mivolan̈a fa olo maty efa tsisy raha hainy eky.​—Salamo 146:3, 4; Mpitoriteny 9:5.

 Ia. Olo sivy aby tantarainy Baiboly fa efa tamy Fasan̈a (amy Baiboly sasany “helo” na “motrobe”), kanefa nivilominy Zan̈ahary. c Iro tan̈y koa mbala nahatsiaro, lera iro velon̈o tsy maintsy nitantara raha niain̈andro tan̈y. Fa kanefa tsisy tamindro nata araiky ke nitantara momba fampijalian̈a ndreky raha hafahafa zen̈y. Fotony nan̈ino? Fotony ampianariny Baiboly fa iro in̈y tsisy raha haindro tampasan̈a tao fa mira olo “mandry” mare in̈y.​—Jaona 11:11-14; 1 Korintianina 15:3-6.