“Ndray valan̈aretin̈y COVID-19 in̈y efa tsy miteraka prôblemo be eky, zen̈y tsy midika fa izio efa tsy atahoran̈a hisy vokany amy fahasalaman̈an’olo. … Ampoizin̈y fa ho hisy karazan̈a valan̈aretin̈y hafa koa amin’ny hoavy, ke atsika mila vôn̈ono hiatriky zen̈y.”​—Dr. Tedros Adhanom Ghebreyesus, direktera zeneralin’ny Fikambanan̈a Iraisam-pirenena Momba Fahasalaman̈a, 22 May 2023.

 Firaka amy ziôty, valan̈aretin̈y COVID-19 in̈y mbala misy vokany amy jery ndreky amy toe-batan̈an’olo maro. Efa vôn̈ono amy valan̈aretin̈y hiboaka man̈araka koa ma irô fitondram-panjakan̈a ndreky irô fikambanan̈a mikarakara momba fahasalaman̈a aby io? Irô ma mahavita man̈ampy atsika tsarabe amin’ny aretin̈y aby mahazo atsika amy ziôty?

 Baiboly mikoran̈a momba fanjakan̈a araiky mahavita man̈ampy atsika ho salama tsarabe. Izio ao mivolan̈a fa “Zan̈aharin’ny lan̈itry hanangana fanjakan̈a”, na fitondrasan̈a araiky. (Daniela 2:44) Lera fanjakan̈a io mitondra, tsisy olo hivolan̈a: “Zaho zen̈y marary ay.” (Isaia 33:24) Olo jiaby ho salama ndreky hatanjaka tsarabe karaha tamin’irô mbala tanora.​—Joba 33:25.