იეჰოვაშ მოწმეეფ მარაშე ჟირშა ატარენა კრებაშ შეხვალამეფს თაყვანიშცემაშ ადგილს, მუდგას იეჰოვაშ მოწმეეფიშ დარბაზ ჯოხო. მუ ხვადუ თექ დო მუ ჯგირობუას მოიღანს კრებაშ შეხვალამეფშა დასწრება?

•  მუ ხვადუ იეჰოვაშ მოწმეეფიშ დარბაზის?

•  მუშენ ოკო დესწრე კრებაშ შეხვალამეფს?

•  მუს იჩიებნა სქან მახანეფ?

 ჩქინ დარბაზიშ ბიბლიურ განათლებას ბღებულენთ. კრებაშ შეხვალამეფშა დასწრება მიგეხვარებ:

•   ღორონთიშ გურშენ ჭეშმარიტებაშ გურაფას

•   თიშ გაგებას, მუს შილებე ნიშნენდას მსოფლიოს ამდღა რენ თი მდგომარეობა

•   სქან პიროვნებაშ გაუჯგუშებას

•   ჯგირ მეგობრეფიშ გორუას

  თექ მორჩქილაფირ ინფორმაცია მიგეხვარებ. თი ბიბლიურ პრინციპეფიშ გარჩიება, მუთ იეჰოვაშ მოწმეეფიშ დარბაზის ხვადუ, მიგეხვარებ, გიღდას უმოს მეტ სიბრძნე (იგავები 4:5). თენა ნიშნენს, ნამდა ბიბლიას შეულებ მიგეხვარას ბრძნულ გადაწყვეტილებეფიშ მეღებას. თეს გეძინელ, ქიმერჩანს პასუხეფს თიცალ კითხვეფშე, მუნერით რე:

•   მუ რე ცხოვრებაშ აზრი?

•   ღორონთ რენო ჩქინ ტანჯებაშ მიზეზ?

•   მუ ხვადუ ღურაშ უკულ?

 თუდო მოჩამილ რე მუსხირენ ბიბლიურ მოხსენებაშ სათაურ, ნამუთ საბატონიშ დო ჟეშხაშ შეხვალამეფს ირაგადუაფ:

•   მუშენ ოკო იფხემძღვანელათ ბიბლიათ?

•   სო შემლებნა მიბღათ მოხვარა, მუჟამსით სირთულეეფ მიღნა?

•   მუს ორთჷ ღორონთიშ სამეფო ამდღა ჩქინო?

 „ართშა კრებაშ შეხვალამაშა ჩქიმ კლასელქ ქუმორთჷ. თიქ ჩქი ქელამზოჯეს დო წიგნის ართო ინიბჯინედით. შეხვალამაშ ბოლოს თიქ მიწუ, ნამდა თიწკუმა მანგარო იმოქმედ თე შეხვალამას რაგადებულ კომენტარეფქ დო თიქ, მუთ შეხვალამას გუვარჩით. თეს გეძინელ, თინა ხოლო თქუ, ნამდა მუშ ეკლესიას თეცალ მუდგარენეფ ვა ხვადუ“ (ბრენდა).

 ქოიჩქუდესო? იეჰოვაშ მოწმეეფიშ დარბაზის კრებაშ შეხვალამეფშა დასწრება უფასო რე დო ვა ხვადუ ფარაშ ეშაყარუა.

 კრებას, და დო ჯიმალეფწკუმა ურთიერთობა გურშა ელაიკინანს. ბიბლიაშე ბგებულენთ, ნამდა ართ-ართ მიზეზ, მუდგაშ გურშენ ქრისტიანეფ ართო იშაყარუნა, ართიანიშ გურიშელაკინა რე (ებრაელები 10:24, 25). თიცალ ხალხწკუმა ურთიერთობა, მით ღორონთის დო მოყვასის მუშ დუდიშ წოხოლე გიორინუანს, მანგარ სასიამოვნო რე, მუშენდა ქვეყნიერებას ამდღა ეგოიზმ რე გავრცელებურ.

 „დღაშ ბოლოს შილებე მანგარ შულადირ ვორდე, მარა კრებაშ შეხვალამეფშა მეულა დო და დო ჯიმალეფწკუმა ურთიერთობა ძალეფით ემოფშანს. კრებაშ უკულ, მუჟამსით ჸუდეშა იფრთუქ, დუდის ბედნერო ბგინაფლენქ დო მზათ ვორექ ახალ დღაშ დაჭყაფალო“ (ელისა).

 ქოიჩქუდესო? მთელ მსოფლიოს 120 000- შე მეტ კრება შეხვალამეფს ატარენს 60 000-შე მეტ ადგილს. დამსწრეეფს აძინუ, ათეშენ იეჰოვაშ მოწმეეფ ირ წანას საშუალოთ 1 500 ახალ დარბაზის აშენენა. a