•   მუჭო მოქმედენს სქანწკუმა, მუჟამსით შხვეფ ჩიებაშ დროს უწმაწურ სიტყვეფს ირინუანა?

  •  ყურადღებას ვა ვაქციენქ; თენა ჩქიმო ჩვეულებრივ მუდგარენ რე.

  •  ბრელს ვა მოსიამოვნ, მარა დიდ ყურადღებას ვა ვაქციენქ.

  •  მანგარო მაღიზიანენს; მუშენ ოკო გიმიბრინუე თეცალ სიტყვეფ ჩიებაშ დროს?!

•   მუსხით ხშირას ირინუანქ უწმაწურ სიტყვეფს?

  •  დღას ვებრინუანქ

  •  მინშა იბრინუანქ

  •  ხშირას იბრინუანქ

•   სქან აზრით, მუშენ რე მნიშვნელოვან თე საკითხშე დაფიქრება?

  •  ისხით მნიშვნელოვან ვა რე

  •  მანგარ მნიშვნელოვან რე

 მუჭო ფიქრენქ, მუსხით სერიოზულ საკითხ რე უწმაწურ სიტყვეფიშ რაგად? შილებე თქუე: „თეს მუთუნ საგანგაშო ვა რე. მსოფლიოს ხომ უმოს სერიოზულ პრობლემეფ ხოლო რე?! თეს გეძინელ, არძა თაშ იქციებ“. მართალო თაშ რენო?

 შილებე რთულ დაჯერებელ რდას, მარა არსებენს თიცალ კათა, მით ჩიებაშ დროს შურო ვერინუანს უწმაწურ სიტყვეფს. თინეფს თეშო საფუძვლიან მიზეზ უღნა, მუშენდა მეღებულ რჩქინა გინაჭყვიდირაფუანს, ვეგმირინუან გლახა სიტყვეფ.

•  უწმაწურ სიტყვეფიშ რაგად ოძირანს, მუნერ რექ სინამდვილეს. სქან ჩიება, სქან შინაგან პიროვნებას ოძირანს. ჩიებაშ დროს გლახა სიტყვეფს ქირინუანქ-და, თეთ ოძირანქ, ნამდა ვა გოინტერეს შხვეფიშ გრძნობეფ. მართალო თეცალ პიროვნება რექო?

   ბიბლია იჩიებ: „კოჩ თის იჩიებ, მუთ გურს უღჷ“ (მათე 15:18).

•  გლახა სიტყვეფს ქიჩიებუქ-და, შხვეფქ შილებე სქანიშ გურშენ უარყოფითო იფიქრან. ართ წიგნის, ნამუთ თე საკითხის ოხუ, ჭარჷ: „ჩქინ ჩიებაშა რე დამოკიდებულ, მი გინირთუ ჩქინ მეგობარო, მუსხით ფცენა პატის ოჯახიშ წევრეფ დო თანამშრომლეფ, მუსხით ჯგირ ურთიერთობა მაღვენუნა შხვეფწკუმა, მუჭო მიმექციებნა უჩინებუეფ, მემღენა დო ვარ სამუშას, დუმაწინაურენან დოვარ, დო ქაღვენუ დოვარ ჩქინ სიტყვეფს წონა“. თეს გეძინელ, თე წიგნ ელამჩანა, ქოპკითხათ ჩქინ დუდის: „ჩიებაშ დროს ოლანძღარ სიტყვეფს ვეგმიბრინუანქ-და, ეგებ უჯგუშ ურთიერთობეფქ მაღვენუას შხვეფწკუმა?!“ (Cuss Control).

   ბიბლიას ბკითხულენთ: „მიოტეთ … ლანძღუა“(ეფესოელები 4:31).

•  ქიგორაფუქ-და, ვეფიქრა, შხვეფიშ თოლს მანგარ იჸუაფუქ. მუშ წიგნის ალექს პაკერი იჩიებ: „ვერჩქილნე თინეფშა, მით ირო იგორაფ“. თინა გეუძინანს, ნამდა პიროვნებას, მით თეცალ სიტყვეფს იჩიებ, „ვა უღჷ ინონჭაფაშ უნარ, სიბრძნე, ინტელექტ დო ვართ შხვეფიშ მდგომარეობაშა მიშურს. უდუფიქრებუო ქორაგადანქ დო წარმოდგენაშ უნარს ვეგმირინუანქ-და, თეს შილებე გონებაშ დაჩლუნგებაქ ქუმაჸუნას“.

   ბიბლია იჩიებ: „დღას ვეკიშქვათ მუთუნნერ გლახა“ (ეფესოელები 4:29).

•  გიღდას მიზან. ქეშეცად, ართ თუთას ვარა ვა თქუე უწმაწურ სიტყვეფ. შეილებ კალენდარს ვარდა შხვადო ქიმირჩქინე, მუსხით ქიმიოჭირინე მიზანს. მარა ხვალე თენა ვა რე დასაბაღ.

•  დუდ ეუჩილითე თიცალ გართობას, მუთ გლახა სიტყვეფიშ რაგადის მოიკორინუანს. ბიბლიაშე ბგებულენთ: „ვემეჩირთათ! გლახა საზოგადოება გილმალუანს ჯგირ ჩვევეფს“ (1 კორინთელები 15:33). თე მუხლის მოშინაფილ სიტყვაშა „საზოგადოება“ ხვალე ხალხ ვარინ შხვადოშხვანერ გართობა ხოლო მიშურს, მაგალთო, კინოეფ, ვიდეოლაჸაფეფ დო მუსიკა. 17 წანერ კენეთ იჩიებ: „მუჟამსით ობირეშ მორწონს, ხეთეშე ეიაჸუნუქ დო, ხვალე თიშგურშენ, ნამდა ჯგირ რიტმ უღჷ, თოლს წკურუნქ გლახა სიტყვეფით რე ეფშან თიშე“.

•  რდა მოწიფულ. ნამთინე თიშენ იჩიებ გლახა სიტყვეფს, ნამდა შხვეფს თეშ ქაძირუას დუდ, ნამდა დიდ რე. სინამდვილეს თენა თაშ ვა რე. მუჭოთ ბიბლიაშე ბკითხულენთ, მოწიფულ ადამიანეფს „გოწაფილ აფნა გონება ჯგირ დო ფურიშ გარჩიებელო“ (ებრაელები 5:14). თინეფ დღას ვეგნურთანა მუნეფიშ პრინციპეფს ხვალე თიშ გურშენ, ნამდა შხვეფს მანგარო ქაძირუან დუდ.

 არგამა რე, ამდღა ირ მაჟია იჩიებ გლახა სიტყვეფს, ნამუთ ხვალე თინეფიშ გონებას ვარინ შხვეფს ხოლო წამალანს. ჟიშე მოშინაფილ წიგნ ელამჩანა: „მსოფლიო თეშით გილალუაფირ რე დო სი ხოლო უმოსო ვეშუნწყუა ხე გლახა სიტყვეფიშ გიმორნაფათ. ნინას სწორას გეგმირინუანქ-და, სქან დუდიშ მეტ პატიცემა გაღვენუ დო შხვაშე ხოლო ქიგინანქ პატიცემას“ (Cuss Control).