„ზეციერ ღორონთ დამყარენს სამეფოს, ნამუთ დღას ვეკოცენს“ (დანიელი 2:44).

„ქუმმაჩეს ქომოლსქუაქ. თიშა იჸუაფ მენდებულ მართველობა“ (ესაია 9:6).

• სამართლიან მართველობას, ნამუთ ჯგირობუას მოიღანა (ესაია 48:17, 18).

• სრულყოფილ ჯამრთელობას დო ბედნერ ცხოვრებას მომავალ ახალ ქიანას (გამოცხადება 21:3, 4).

მუშო ოკო რაგად, ქო. თეშ არძაშ უნაკლებაშ ჟირ მიზეზ არსებენს:

• იესოქ მოძირეს, მუს გაკეთენს ღორონთიშ სამეფო. თიქ მუშ მიმაჸუნალეფს დაგურუ, ულოცებდესკო ღორონთიშ სამეფოშ მოულაშე დო დედამიწას ღორონთიშ ნებაშ შესრულებაშე (მათე 6:9, 10). იესოქ მუშ საქმეეფით ქაძირუ, მუჭო შისრულებ თე ლოცვა.

  მუჟამსით იესო დედამიწას რდუ, შქირენულეფს ოდიარუანდჷ, ლეხეფს ოსქილიდუანდჷ დო ღურელეფს ათელენდჷ (მათე 15:29—38; იოანე 11:38—44). თე სარკო საქმეეფით იესოქ, ღორონთიშ სამეფოშ მომავალ მართველქ, წინასწარ ქუმოძირეს, მუს გაკეთენს თე სამეფო მომავალს მუშ მორჩილ ხალხშო (გამოცხადება 11:15).

• მსოფლიო მდგომარეობა ოძირანს, ნამდა ღორონთიშ სამეფო მალას ქუმურს. იესოქ იწინასწარმეტყველ, ნამდა სოიშახ სამეფო დედამიწაშა მშვიდობას მიღანდ, მთელ მსოფლიოს იჸუაფუდ ჩხუპეფ, დიხანწალუეფ დო შქირენა (მათე 24:3, 7).

  ამდღა ჩქინ თოლით ვორწყეთ, მუჭო ისრულებ იესოშ წინასწარმეტყველება. ათეშენ შემლებნა დარწმუნებულ ვორდათ, ნამდა ღორონთიშ სამეფო მალას ბოლოს მუღენს ირნერ პრობლემას.