სამუშაშ დინაფაშ გურშენ შილებე ფინანსურ, ოჯახურ, ემოციურ ვარდა ფსიქოლოგიურ პრობლემეფქ ქუგაშუან.

•   იჩით შხვეფწკუმა თქვან გრძნობეფშენ

   მუს იჩიებ ბიბლია: „ნამდვილ მეგობარს ირიათო უჸორდენ იჸი“ (იგავები 17:17).

   სამუშაშ დინაფაშ უკულ შილებე გურქ გოიტირხან, გაღიზიანებულ რდათ ვარდა გაურკვევლობაშ გრძნობა გიღდან. შილებე იფიქრათ, ნამდა მუთუნ ვეგშქალენა. ოჯახიშ წევრეფს დო მეგობრეფს თქვან გრძნობეფშე ქუდურაგადუანთ-და, თინეფ ქელაიდირთნა. თინეფქ შილებე რჩევეფ ხოლო ქიმერჩან, ნამუთ ქიმგეხვარებნა ახალ სამუშაშ გორუას.

•   ნებტან ვენერვიანათ

   მუს იჩიებ ბიბლია: „დღას ვედიჭყათ წუხება ჭუმენერ დღაშენ, მუშენდა ჭუმენერ დღა მუშ ოწუხებელს მიღანს“ (მათე 6:34).

   ბიბლია ელამჩანა, მიღდან გეგმეფ მომავალშო (იგავები 21:5). მარა ღორონთიშ სიტყვა თის ხოლო მირაგადნა, ნამდა ზედმეტო ვებწუხათ მომავალშე. მინშა თიცალ მუდგარენშე მნერვიანენთ, მუდგაქ შილებე დღას ვა მოხვადას. ათეშენ, ყურადღება თიშა გეგნიღით, მუთ ამდღა გაფნა ოკეთებელ.

   ბიბლია პრაქტიკულ რჩევეფს მარზენა, მუჭო გაურზათ სტრესის. თე საკითხიშ გურშენ მეტიშ გაგებელო, ქოძირით ართ-ართ სტატია ჩქინ ვებგვერდის („როგორ გავუმკლავდეთ სტრესს“).

•   შეამცირით ხარჯეფ

   მუს იჩიებ ბიბლია: „[ქიდიბგურე] მუ რე … ჯგირ ცხოვრება დო უღონობა“.

   ქუდუხუჯეთ ასე გიღნან თი სიტუაციას. თენა თის ხოლო ნიშნენს, ნამდა თიზმა ვახარჯათ, მუზმასით აიშახ ახარჯენდით. ვეჭოფათ საჭირო ვა რენ ფერ ვალ (იგავ. 22:7).

   თე საკითხიშ გურშენ უმოსიშ გაგებელო, ქოძირით ართ-ართ სტატია ჩქინ ვებგვერდის („როგორ ვიმყოფინოთ შემოსავალი?).

•   ჭკვერულო გეგმირინეთ დრო

   მუს იჩიებ ბიბლია: „ბრძნულო მიქცით. გონივრულო გეგმირინეთ დრო“ (კოლოსელები 4:5).

   მართალ რე, სამუშა ვაიღნა, მარა დროშ გონივრულო გიმარნაფალო შეადგინით ჯგირ გეგმა. თენა მიგეხვარებნა, გიღდან თქვან დუდიშ პატიცემა დო ვეშალათ კალაპოტშე.

•   ქუდუხუჯეთ სიტუაციას

   მუს იჩიებ ბიბლია: „ირნერ ხანდა სასარგებლო რე“ (იგავები 14:23).

   მზათ რდათ არძანერ სამუშაშო. შილებე დეთანხმათ ფიზიკურ სამუშას ვარდა ნაკლებ ხელფას რენ ფერ სამსახურს.

•   გურქ ვეიოლან

   მუს იჩიებ ბიბლია: „ოჭმარეს დოთას თას დო ონჯუაშა ვამასვანჯუა ხე, მუშენდა მუ გიჩქჷ, სო გაიმართლენს, ართის დოვარ მაჟიას, ვარდა ეგება ჟირხოლოს გაიმართლას“ (ეკლესიასტე 11:6).

   გაგრძელით სამუშაშ გორუა. შხვეფს ხოლო ქუწით, ნამდა სამუშას გორუნთ. მაგალთო, ნათესეეფს, ნაჩინებუეფს, ჯვეშ თანამშრომელეფს დოვარ მეზობელეფს. ქიდეკავშირით დასაქმებაშ სააგენტოეფს დო შეამოწმით ვაკანსიეფ. რშუდან, სამუშაშ გორუაშ დროს შილებე ბრელ განცხადებაქ გაჸუან შეიოვსებელქ დო ბრელ გასაუბრებაშა გაჸუან ოულარქ.