Hin-o Gud ba an Nagkukontrol han Kalibotan?
Para ha imo . . .
-
an Dios?
-
an mga tawo?
-
may iba pa?
KON ANO AN GINSISIRING HAN BIBLIA
“Ginhahadian han Yawa an bug-os nga kalibutan.”—1 Juan 5:19.
“Kinmanhi an Anak han Dyos . . . pagpuo han mga buhat han Yawa.”—1 Juan 3:8, Maupay nga Sumat.
KON ANO AN KAPULSANAN HITO HA IMO
Magigin klaro ha imo an hinungdan han mga problema ha kalibotan.—Pahayag 12:12.
May rason ka na nga tumoo nga magigin mas maopay an kahimtang hini nga kalibotan.—1 Juan 2:17.
MAKAKATOO GUD BA KITA HA GINSISIRING HAN BIBLIA?
Oo, ha diri maminos tulo nga hinungdan:
-
Bubungkagon an pagmando ni Satanas. Determinado hi Jehova nga tapuson an pagkontrol ni Satanas ha katawohan. Nagsasaad hiya nga iya ‘bubungkagon an Yawa’ ngan wawad-on an ngatanan nga kadaot nga ginhimo ni Satanas.—Hebreo 2:14, Bag-o nga Kalibotan nga Hubad.
-
Ginpili han Dios hi Jesu-Kristo nga magmando ha kalibotan. Kabaliktaran gud hi Jesus ha waray kalooy ngan hakog nga magmarando yana han kalibotan. Mahitungod ha paghadi ni Jesus, an Dios nagsasaad: “Malolooy hiya ha ubos nga tawo ngan ha pobre . . . Iya tatalwason hira tikang ha panalumpigos ngan kamadarahog.”—Salmo 72:13, 14.
-
An Dios diri makakagbuwa. An Biblia matin-aw nga nasiring: “Imposible magbuwa an Dios.” (Hebreo 6:18) Kon may iginsasaad hi Jehova, puydi hunahunaon nga sugad hin natuman na ito! (Isaias 55:10, 11) “Paiiwason an magmarando hini nga kalibotan.”—Juan 12:31.
HUNAHUNAA INI
Ano an magigin kahimtang han kalibotan kon wad-on na an magmarando hito?
Ginbabaton ito han Biblia ha SALMO 37:10, 11 ngan PAHAYAG 21:3, 4.
Bangin Maruyagan Mo Liwat
ESSENTIAL BIBLE TEACHINGS
Kay Ano nga Gintutugotan han Dios an Pag-antos?
Damu an nagpapakiana kon kay ano nga an kalibotan puno hin kangalas ngan pag-antos. An Biblia naghahatag hin makapatagbaw ngan nakakaliaw nga baton.
BATON HA MGA PAKIANA MAHITUNGOD HA BIBLIA
Tinuod ba an Yawa?
An Yawa ba usa la nga maraot nga kinaiya nga aada ha tawo o tinuod hiya nga persona?
AN BARANTAYAN
Sadang ba Kita Mahadlok kan Satanas?
An Dios nagtatagana hin upat nga bulig basi mapanalipdan ka tikang ha impluwensya ni Satanas.
MAHITUNGOD HA AMON
Kay Ano nga Kinahanglan Pag-adman an Biblia?—Bug-os nga Video
Ginbabaton han Biblia an importante nga mga pakiana han minilyon nga mga tawo ha bug-os nga kalibotan. Karuyag mo magin usa ha ira?
MAHITUNGOD HA AMON
Paghangyo nga May Bumisita ha Imo
Hisgotan an usa nga pakiana ha Biblia, o mahibaro hin dugang mahitungod ha mga Saksi ni Jehova.
