Saynno, Usuppune 13, 2023n, Amarkkan deˈiya Senteris for Diziiz Kontrol end Privenshin (CDC) giyo dirijjitee Amarkkan deˈiya yelagatu guuggiya payyatettaa xeelliyaagan irpporttiyaa kessiis. He dirijjitee, naaˈˈantto xekkaa tamaaretuppe 40 kusheppe dariyaageeti daro wodiyawu azzaniyoogaanne hidootaa qanxxiyoogaa yootiis.

 CDC Divizhion of Adolisent end Skuul Helz (DASH) giyo dirijjitiya halaafe gidida Dottoriya Katlin Itiˈera hagaadan gaasu: “Aadhdhida 10 layttatu giddon guuggiya sahettiya yelagatu qooday keehi gujjiis. SHin, yelaga macca naati awudeegaappenne aaruwan guuggiya sahettoosona, qassi daro yelaga macca naati banttana banttarkka woranawu qoppoosona, yaatanawu halchchoosona, woy ubba banttana woranawu maloosona.”

 He irpporttee yootidoogaadan:

•   Baa giishin 10 macca naatuppe issinniira (14 kushe) A koyennan wolqqan mattumaa gayttoosona. Dottoriya Itiˈera hagaadan gaasu: “Hagee keehi daganttiyaaba. Neeni eriyo 10 macca naatuppe baa giishin issinniira, woy geella hegaappe dariyaageetuura wolqqan mattumaa gayttoosona.”

•   Heezzu yelaga macca naatuppe issinna (30 kushe) bana barkka woranawu qoppawusu.

•   Ichchashu macca naatuppe heezzaa gidiyaageeti (57 kushe) daro wodiyawu azzanoosonanne hidootaa qanxxoosona.

 He irpporttiyan kiyidabay keehi azzanttiyaaba. Yelagatettaa wodee keehi ufayssiyaagaa gidana koshshees. Ha wodiyan yelagati unˈˈettiyoogaa genccanawu aybi maaddana danddayii? Geeshsha Maxaafay woygii?

Geeshsha Maxaafay yelagata maaddiyaabaa yootees

 Nuuni deˈiyoy unˈˈissiya wodiyaana gidiyoogaa Geeshsha Maxaafay yootees. Nuuni deˈiyo ha wodiya, Geeshsha Maxaafay ‘genccanawu waayissiya wodiya’ gees. (2 Ximootiyoosa 3:1-5) Gidikkonne, Geeshsha Maxaafay yootiyo zoree kumetta saˈan deˈiya miilooniyan qoodettiya yelagati banttana gakkiya metuwaa genccanaadan maaddiiddi deˈees. Geeshsha Maxaafaa qofay deˈiyo kaallidi deˈiya huuphe yohota nabbaba.

•   Taani Hayqqanawu Koyikko SHin?

•   Taani Hayqqanawu Koyays—Hayqqanawu Qoppiyoogaa Agganawu Geeshsha Maxaafay Tana Maaddana Danddayii?

•   Deˈuwan Deˈiyoogee Goˈˈii?

•   Taani Keehi Unˈˈettiyoogaa Waata Aggana Danddayiyaanaa?

•   Iitabaa Qoppiyoogaa Waata Aggana Danddayiyaanaa?

•   Taani Unˈˈettiyoogaa Waata Aggana Danddayiyaanaa?

•   Taayyo Iitabay Siyettiyo Wode Waatana Danddayiyaanaa?

•   Azzaniyoogaa Aggidi Ufayttiyoogaa (bootta saleedaa biiduwaa)

•   Wolqqaama naati Tana Yashissikko Waatoo?

•   Intternneetiyan Harati Tana Qohikko Waatoo?

•   Yashissiya Ura Bubbuxennan Xoona (bootta saleedaa biiduwaa)

•   Mattuman Gakkiya Qohuwaa Waata Eqettana Danddayiyaanaa?

•   Mattumaara Gayttida Qohuwaabaa Taani Erana Koshshiyoobay Aybee?—SHaaho 1: Kasetidi Naagettiyoogaa

•   Mattumaara Gayttida Qohuwaabaa Taani Erana Koshshiyoobay Aybee?—SHaaho 2: Qohuwaappe Zaarettidi Paxiyoogaa

Geeshsha Maxaafay yelidaageeta maaddiyaabaakka yootees

 Yelagatettan gakkiya metota genccanaadan yelidaageeti bantta naata maaddanawu eta maaddiya zoriyaakka Geeshsha Maxaafay yootees. Geeshsha Maxaafaa qofay deˈiyo kaallidi deˈiya huuphe yohota nabbaba.

•   Wozanan Unˈˈettiya Yelagata—Gaasoy Aybee? Eta Aybi Maaddanee?

•   Intte Yelaga Naˈiya Unˈˈettiyoogaa Genccanaadan Maaddiyoogaa

•   Wolqqaama Naati Ta Naˈaa Yashissikko Waatoo?

•   Bantta Bollaa Qohiya Yelagata Maaddiyoogaa

•   Naatanne Sooshaal Miidiyaa—SHaaho 1: Ta Naˈay Sooshaal Miidiyaa Goˈettana Koshshii?

•   Naatanne Sooshaal Miidiyaa—SHaaho 2: Intte Naˈay Sooshaal Miidiyaa Qohenna Ogiyan Goˈettanaadan Maaddiyoogaa

•   Naatanne Zammaana Silkkiyaa—SHaaho 1: Ta Naˈawu Zammaana Silkkee Deˈana Koshshii?

•   Naatanne Zammaana Silkkiyaa—SHaaho 2: Naati Zammaana Silkkiyaa Akeekan Goˈettanaadan Tamaarissiyoogaa

•   Sekisttinggiyaabaa Intte Naatuura Waati Haasayana Danddayeetii?