Masaalimu 146:1-10
146 Mmuttottopele Yah!*
Omutthu aka wootheene omuttottopele Yehova.
2 Kinoomuttottopela Yehova okumi aka wootheene.
Kinoomuttottopela Muluku aka ni isipo, okumi aka wootheene.
3 Muhaaroromele makhulupale,Nnakhala mutthu mukina, okhala wiira awo khaniwerya omoopola mutthu.
4 Iphumu saya saamalela, awo annitthikela vatthayani;Nave nihiku nenno, miyuupuwelelo saya sinnimala.
5 Oohakalala tuule onikhaliheriwa ni Muluku a Yakobe,Yoowo onimuroromela Yehova, Muluku awe,
6 Mpattuxa a erimu ni a elapo ya vathi,Yoowo opattunxe ephareya, ni itthu sootheene siri memmo,Ni oniroromeleya okathi wootheene.
7 Owo onniwiirela exariya atthu anihaaxiwa,Onnaavaha eyoolya* atthu anivoliwa etala.
Yehova onnaataphula aperesu.*
8 Yehova onnitthukula maitho a atthu ahinoona;Yehova onnaalipiha atthu ahilimpe;Yehova onnaaphenta anaxariya.
9 Yehova onnaakhapelela anamurwa;Onnimmaaliha mwaana ohirina paapa awe* ni muthiyana naamukhweli,Masi onnaahonona apalano a atakhali.
10 Yehova onookhala Mwene mahiku ootheene,Nyuwo Siyoni, Muluku anyu onookhala mwene mpakha maloko anrowa okhumelela muhoolo.
Mmuttottopele Yah!*
Inoota
^ Aahiiso, “Aleluya!” “Yah” ti enamuna yookhuveya ya nsina na Yehova.
^ Eheeperi, “ephaawu”.
^ Eheeperi, “atthu atthukiwe”.
^ Aahiiso, “ekwaasuni”.
^ Aahiiso, “Aleluya!” “Yah” ti enamuna yookhuveya ya nsina na Yehova.
