Masaalimu 127:1-5
Nsipo na Atthu Aniwela. Nsipo na Salomoni.
127 Aahikhale Yehova oniteka empa,Ale aniteka empa eyo, anihaawa mahala.
Aahikhale Yehova oniwehaweha epooma,Ole oniwehaweha, onihaawa mahala.
2 Nyuwo munipeherya ovenya mahala,Munipisa orupa mahala.Munihaawa mahala, mwaavyaka eyoolya,Okhala wiira Muluku onnaavaha eyoolya ale onaaphenta awe, ni onniwiiriha orupa saana.
3 Moone! Anamwane nivahiwe ni Yehova;Anamwane* etthuvo.
4 Anamwane a mulopwana,*Anlikana ni mattheere* ari mmatatani mwa nakhotto.
5 Oohakalala tuule onaasariha mmurupani mwawe.
Owo khonrowa wuuliwa muru,Okhala wiira awo anoolavulaka ni awanani, vamukhora va epooma.
Inoota
^ Eheeperi, “muhokorokho wa mmirimani”.
^ Aahiiso, “mulopwana mmiravo”.
^ Aahiiso, “mareetthe”.
