ТАСОДИФМИ ЁКИ ИЖОД МАҲСУЛИМИ?
Саккизоёқнинг ажойиб пайпаслагичлари
Роботлар устида ишлайдиган муҳандислар шифокорларга микроинвазив, яъни тананинг ички органларини операция қилишда ёрдам бериш учун аппарат яратиш устида иш олиб бормоқда. Бу соҳада кашфиёт қилишга саккизоёқнинг эгилувчан оёқлари ёки пайпаслагичлари намуна бўлди.
Ўйлаб кўринг. Саккизоёқлар ҳатто тор жойда ҳам ҳар томонга чўзиладиган ва эгилувчан саккизта оёғи ёрдамида ўлжасини ўз чангалига олиши, уни ушлаб туриши ва сиқиши мумкин. Саккизоёқ пайпаслагичларини ҳар қайси тарафга букибгина қолмай, керак бўлганида, уларнинг турли қисмларини таранглаштира олади.
Тадқиқотчиларнинг фикрича, худди шундай юмшоқ ва эгилувчан робот пайпаслагич микроинвазив жарроҳлик амалиётларини ўтказишда беқиёс ўринга эга бўлади. Бундай аппарат ёрдамида мураккаб операцияга муҳтож бўлган беморларни даволаш осонроқ бўларди.
Саккизоёқнинг эгилувчан пайпаслагичлари қандай ҳаракат қилишини томоша қилинг
Бундай робот пайпаслагич аллақачон ишлаб чиқарилган ва ясама операцияларада қўлланилмоқда. 135 миллиметрли пайпаслагичнинг бири ҳеч қандай зиён етказмаган ҳолда, юмшоқ ички органларни кўтариб ёки ушлаб туриб уларни бошқаради. Бу пайтда бошқа пайпаслагич операцияни олиб боради. Ушбу аппаратни яратишда иштирок этган гуруҳ аъзоси доктор Томмасо Ранзани «бу илғор қулайликларнинг янги ва яхшиланган системасининг бошланиши бўлишига ишонамиз» деган фикр билдирди.
Юмшоқ ва эгилувчан робот пайпаслагич жарроҳлик амалиётларида беқиёс аҳамиятга эга бўлади
Нима деб ўйлайсиз? Саккизоёқнинг пайпаслагичлари эволюция натижасида пайдо бўлганми? Ёки ижод маҳсулими?