خدا کے کلام سے ظاہر ہوتا ہے کہ اِبلیس یا شیطان ایک حقیقی ہستی ہے۔ وہ ایک جرائم‌پیشہ گروہ کے سردار کی طرح ہے جو پردے کے پیچھے رہ کر اپنے کام کراتا ہے۔ اِبلیس’‏جھوٹی نشانیوں‘‏ کے ذریعے اور ’‏لوگوں کو دھوکا دے‘‏ کر اپنی مرضی کے کام انجام دیتا ہے۔ پاک کلام میں تو اُس کے بارے میں یہ بھی کہا گیا ہے کہ وہ ”‏روشنی کے فرشتے کا رُوپ دھارتا ہے۔“‏ (‏2-‏تھسلُنیکیوں 2:‏9، 10؛‏ 2-‏کُرنتھیوں 11:‏14‏)‏ اِبلیس اپنے کاموں سے جو نقصان پہنچاتا ہے، اُس سے یہ ثابت ہوتا ہے کہ وہ وجود رکھتا ہے۔‏

 لیکن اِبلیس اِنسانوں پر آنے والی تمام مصیبتوں کا ذمے‌دار نہیں ہے۔ ایسا کیوں کہا جا سکتا ہے؟ کیونکہ خدا نے اِنسانوں میں یہ صلاحیت ڈالی ہے کہ وہ خود فیصلہ کریں کہ آیا وہ اچھے کام کریں گے یا بُرے۔ (‏یشوع 24:‏15‏)‏ جب ہم غلط فیصلے کرتے ہیں تو ہمیں بُرے نتائج بھگتنے پڑتے ہیں۔—‏گلتیوں 6:‏7، 8‏۔‏