ریگستان کی شاطر بلی
صحرا میں رات کی تاریکی پھیلی ہوئی ہے۔ اچانک ایک بلی اپنے بِل سے نکلتی ہے اور رُک جاتی ہے۔ وہ نظر دوڑا کر چاروں طرف دیکھتی ہے اور اِردگِرد کی آوازوں کو سننے کے لئے اپنے کان کھڑے کرتی ہے۔ پھر وہ دبے پاؤں شکار کی تلاش میں نکل جاتی ہے۔
جب اُسے اپنا شکار نظر آتا ہے تو وہ ایک دم سے چھلانگ لگا کر اُسے دبوچ لیتی ہے۔ وہ ساری رات اِسی طرح شکار کرتی رہتی ہے۔ جب اُس کا پیٹ بھر جاتا ہے تو وہ بچے ہوئے شکار کو ریت میں دبا دیتی ہے۔ پھر وہ سورج نکلنے سے پہلے اپنے بِل میں واپس لوٹ آتی ہے اور دن کے دوران کم ہی باہر نکلتی ہے۔ آئیں، اِس شاطر بلی کی چند دلچسپ خصوصیات پر غور کریں۔