Usoma wa suku u ka malako ovoviali osi omanu kuenda owo u ka viali ongongo yosi. (Daniele 2:44) Osimbu handi otembo yaco ka yeyile, Usoma wa Suku u ka . . .

•   Malako evĩho, kuenda vosi va siata oku tu talisa ohali. “Vakuakandu puãi va tundisua vofeka, kuenda vakuosuanji va veyuiwamo.”—Olosapo 2:22.

•   Malako ovoyaki. ’Suku imũla ovita toke kesukiyo liongongo.’—Osamo 46:9.

•   Nena ekalo liwa loku kolapo kilu lieve. “Omunu lomunu o ka tumala vemehi liuyuva waye, kuenda vemehi liukuyu waye, kuenje lomue o ka va lingisa usumba.”—Mika 4:4.

•   Pongolola ilu lieve okuti li linga ofeka yelau. “Ekalasoko lofeka ya kukuta vi sanjuka, ekango li yolela, kuenje li telẽha ndelosa.”—Isaya 35:1.

•   Nena ekalo liwa komanu vosi kuenda upange wesanju. ’Omanu va nõliwa la Suku va ka lia kupange wovaka avo toke va kuka. Ka va lingi upange olivova’—Isaya 65:21-23.

•   Malako ovovei. “Layimue onungi yi popia yiti, Ndi vela.”—Isaya 33:24.

•   Imũla oku kuka. “Etimba liaye li tumbuluke vali, li kuate ongusu ndeyi yovutila. Olohõlo viaye vi lisoke vali levi a kaile lavio eci a kala umalehe.”—Yovi 33:25.

•   Pindula omanu kolofa. “Vosi va kasi vayambo va yeva ondaka yaye, [Yesu] yu va tundamo.”—Yoano 5:28, 29.