Қайғу-һәсрәт болмайдиған вақит келәмду?
Сизниң ойиңизчә . . .
-
һә
-
яқ
-
мүмкин
МУҚӘДДӘС КИТАПТА БУ ҺӘҚҚИДӘ НЕМӘ ЕЙТИЛҒАН?
«Худа уларниң көзидики һәрқандақ яшни сүртиду вә өлүм әнди болмайду йә қайғу, йә жиға-зар, йә ағриқ башқа болмайду» (Вәһий 21:4).
БУНИ БИЛИШНИҢ ҚАНДАҚ ПАЙДИСИ БАР?
Бешиңизға чүшкән қийинчилиқларниң Худадин әмәс екәнлигигә ишәнчлик болисиз (Яқуп 1:13).
Қийналған вақитларда Худаниң сизгә ичи ағрийдиғанлиғини билиш сизгә тәсәлли бериду (Зәкәрия 2:8).
Қайғу-һәсрәт болмайдиған вақитни көрүш үмүтиңиз пәйда болиду (Зәбур 37:9—11).
МУҚӘДДӘС КИТАПТИКИ БУ СӨЗЛӘРГӘ ИШИНИШКӘ БОЛАМДУ?
Һә, буниң кам дегәндә икки сәвәви бар:
-
Худа қайғу-һәсрәт вә адаләтсизликни өч көриду. Қедимда дүшмәнләр Йәһва Худаниң хизмәтчилиригә яман муамилә қилғанда У қандақ һис-туйғуда болған? Муқәддәс китапта ейтилғандәк, Худа хәлқиниң «пәрядини аңлап ичи ағриди» (Һакимлар 2:18).
Худа башқиларға зиян кәлтүргәнләргә көз жуммайду. Мәсилән, Муқәддәс китапта «бегуналарниң қенини төккүзидиған қол» Худаниң көз алдида жиркиничлик екәнлиги ейтилған (Пәнд-нәсиһәтләр 6:16, 17).
-
Худа һәрбир адәмниң ғемини ойлайду. Худа барлиқ ғәм-қайғуларни Униңға тапшурушқа чақириду, чүнки У бизгә «ғәмхорлуқ қилмақта» (Петрусниң 1-хети 5:7).
Өзиниң асмандики Падишалиғи яки һөкүмити арқилиқ Йәһва Худа келәчәктә барлиқ адәмләрниң қийинчилиқлирини йешиду (Мәтта 6:9, 10). Һазирниң өзидә Худа Өзини издигән ақ көңүл адәмләргә меһрини көрситип, тәсәлли бериватиду (Әлчиләр 17:27; Коринтлиқларға 2-хәт 1:4).
МОШУ ҺӘҚҚИДӘ ОЙЛИНИП КӨРҮҢ:
Худа немә сәвәптин қайғу-һәсрәтниң болушиға йол қоюватиду?
Буниң җававини Муқәддәс китапниң мошу айәтлиридин тапалайсиз: РИМЛИҚЛАРҒА 5:12 вә ПЕТРУСНИҢ 2-ХЕТИ 3:9.
Буларғиму қизиқишиңиз мүмкин
МУҚӘДДӘС КИТАПНИҢ АСАСИЙ ТӘЛИМЛИРИ
Худа немә үчүн азап-оқубәтләргә йол қойиду?
Муқәддәс китапта қанаәтләндүридиған вә тәсәлли беридиған җаваплар бар.
БИЗ ҺӘҚҚИДӘ
Немишкә Муқәддәс китапни үгиниш керәк?
Муқәддәс китап йәр йүзидики миллионлиған адәмләргә һаятимиздики әң муһим соалларға җавапларни бериватиду. Сизму соаллириңизға җавапларни тепишни халаттиңизму?
МУҚӘДДӘС КИТАП ТӘЛИМЛИРИ
Үгинишни башлаң
Тәлим бәргүчи билән Муқәддәс Язмилардин һәқсиз билим ашуруң.
