02-ДӘРИС
Муқәддәс китап үмүт бериду
Дунияниң һәммә җайлирида түрлүк қийинчилиқлар түпәйли адәмләр азаплиниватиду, ғәм-әндишә қиливатиду, һәтта ағрип келиватиду. Сиз шундақ қийинчилиққа дуч келип баққанму? Бир кесәллик яки йеқиниңизниң өлүми түпәйли қайғу-һәсрәт чекиватқансиз. Бәлким: «Кәлгүсидә һаят яхширақ боларму?»— дәп ойлайдиғансиз. Муқәддәс Язмилар бу соалға қанаәтлинәрлик җавап бериду.
1. Муқәддәс Язмилар қандақ үмүт бериду?
Муқәддәс китап бу дуния немә үчүн көп қийинчилиқларға толуп кәткәнлигини чүшәндүрүпла қалмай, бәлки йәнә бу қийинчилиқларниң вақитлиқ вә пат арида йоқ болидиғанлиғи һәққидә хуш хәвәрни йәткүзиду. Муқәддәс китаптики вәдиләр сизгә гөзәл келәчәк һәққидә үмүт берәләйду (Йәрәмия 29:11, 12ни оқуң). Әшу вәдиләр һазирқи қийинчилиқларни йеңип, иҗабий көзқарашни сақлишимизға вә түгимәс хошаллиқ тепишимизға ярдәм бериду.
2. Муқәддәс китапта қандақ келәчәк тәсвирләнгән?
Муқәддәс китапта шундақ бир келәчәк тәсвирләнгәнки, «өлүм әнди болмайду йә қайғу, йә жиға-зар, йә ағриқ башқа болмайду» (Вәһий 21:4). Бүгүнки күндә йүз бериватқан ачарчилиқ, адаләтсизлик, ағриқ вә өлүмгә охшаш һаятта кишини үмүтсизләндүридиған қийинчилиқлар келәчәктә әсла болмайду. Муқәддәс китап инсанларниң кәлгүсидә йәр йүзидики җәннәттә мәңгү шат-хорам яшайдиғанлиғини вәдә қилиду.
3. Муқәддәс китап беридиған үмүткә болған ишәнчиңизни қандақ күчәйтәләйсиз?
Нурғун адәмләр яхши ишларниң болушини үмүт қилиду, бирақ үмүт қилғанлириниң чоқум әмәлгә ешишиға ишәнч қилалмайду. Муқәддәс китаптики вәдиләр болса, чоқум әмәлгә ашиду. Муқәддәс Язмилар үстидә чоңқур издәнсәк, әшу вәдиләргә болған ишәнчимизни күчәйтәләймиз (Әлчиләр 17:11). Муқәддәс китапни тәтқиқ қилип үгәнгиниңиздә, униңдики келәчәк һәққидә ейтилғанларға ишиниш-ишәнмәсликни өзүңиз қарар қилалайсиз.
ЧОҢҚУРИРАҚ ҚЕЗИҢ
Муқәддәс китапниң келәчәк һәққидә бәргән вәдилири үстидә издиниң. Муқәддәс китап беридиған үмүт бүгүнки күндә кишиләргә қандақ ярдәм бериватқанлиғини көрүң.
4. Муқәддәс китап азап-оқубәтсиз мәңгүлүк һаят һәққидә вәдә бериду
Төвәндә көрситилгән Муқәддәс китаптики вәдиләргә қараң. Қайси вәдиниң әмәлгә ешишини тақәтсизлик билән күтүватисиз? Немә үчүн?
Вәдиләрниң йенида кәлтүрүлгән айәтләрни оқуң, кейин төвәндики икки соал үстидә ойлинип көрүң:
-
Сизниңчә, мошу айәтләр сизгә үмүт берәмду? Улар аилиңиздикиләр вә достлириңизға үмүт берәләмду?
Шундақ һаятни тәсәввур қилиң
|
ҺЕЧКИМ... |
ҺӘММӘ КИШИ... |
|---|---|
|
|
|
|
|
|
|
|
|
|
5. Муқәддәс китаптики үмүт һәммини өзгәртәләйду
Нурғун адәмләр әтрапида болуватқан қийинчилиқларни көргинидә, үмүтсизлиниду, һәтта аччиқлиниду. Бәзиләр шундақ вәзийәтни яхшилаш үчүн қәтъий күрәш қилиду. Келәчәктә һәммә ишларниң яхши болидиғанлиғи һәққидә Муқәддәс китапта берилгән вәдиләр һазир адәмләргә қандақ ярдәм беридиғанлиғини көрүң. ВИДЕОНИ көрүң вә кейин төвәндики соаллар үстидә ойлинип көрүң.
-
Бу видеода көргиниңиздәк, Рафика қандақ адаләтсизликкә дуч кәлгән?
-
Гәрчә у баштин кәчүргән адаләтсизлик пүтүнләй йоқалмиған болсиму, Муқәддәс китап униңға қандақ ярдәм бәргән?
Келәчәк һәққидики Муқәддәс китаптики вәдиләр үмүтсизлик билән күрәш қилишимизға вә қийинчилиққа дуч кәлгәндә хошаллиқни йоқатмаслиғимизға ярдәм бериду. Пәнд-нәсиһәтләр 17:22 вә Римлиқларға 12:12ни оқуң, кейин төвәндики соалларға җавап бериң:
-
Сизниңчә Муқәддәс китаптики үмүт беридиған хәвәрләр һазир һаятиңизни өзгәртәләмду? Немә үчүн шундақ ойлайсиз?
БӘЗИЛӘР МУНДАҚ ДӘЙДУ: «Муқәддәс китаптики келәчәк тоғрисидики вәдиләргә ишиниш интайин қийин».
-
Сизниңчә, дәлил-испатларни тепиш үчүн издиниш немә үчүн муһим?
ХУЛАСӘ
Муқәддәс Язмиларда гөзәл келәчәк һәққидә нурғунлиған вәдиләр бар. Улар бизгә үмүт бериду вә һазирниң өзидә һаятимизни өзгәртиду.
Тәкрарлаш
-
Немә үчүн адәмләр Худаниң вәдилири һәққидә билиши зөрүр?
-
Муқәддәс китап келәчәк һәққидә немә дәйду?
-
Келәчәккә болған үмүт сизгә һазир қандақ ярдәм берәләйду?
ИЗДИНИП КӨРҮҢ
Қийинчилиқларға дуч кәлгәндә үмүт сизгә қандақ ярдәм берәләйдиғанлиғи һәққидә көпирәк биливелиң.
«Үмүт. Униңға қәйәрдин еришәләйсиз?» («Ойғиниш!» 2004-жил, 22-апрель)
Келәчәккә болған үмүт созулма кесәл билән қийнилип яшаватқанларға қандақ ярдәм берәләйдиғанлиғини биливелиң.
«Созулма кесәл билән қийнилип яшаватқанларға Муқәддәс китап ярдәм берәләмду?» (Торбәттики мақалә)
Бу музыкилиқ видеони көргәндә, өзүңизни вә аилиңиздикиләрни Муқәддәс китапта вәдә қилинған кәлгүси җәннәттә яшаватқандәк тәсәввур қилиң.
Бир сәясий паалийәтчи Муқәддәс китаптин келәчәк тоғрисидики үмүтни билгәндә, қандақ өзгириш қилғанлиғини оқуң.
«Һазир дунияни өзгәртишим керәк дәп әсла ойлимаймән» («Күзитиш мунари» 2013-жил, 1-июль)
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
