TUMU PARAU MATAMUA | NA OE ANEI E FAATERE RA I TO OE ORARAA?
E fanaˈo anei oe i te oraraa maitai roa ˈˈe?
I TEIE mahana, aita hoê aˈe i fanaˈo ma te tia roa i te oraraa ta ˈna i hinaaro. E pinepine râ, e nehenehe te taata e mauruuru i to ˈna oraraa ma te farii i to ˈna tupuraa e ma te rave i te ohipa e maraa ia ˈna. Mai te peu ua tia ia oe ia faanaho faahou i to oraraa i muri aˈe i te tahi fifi manaˈo-ore-hia, mea maitai. Ua taui anei to oe tupuraa i teie nei? Aita ˈtu ai ïa. E oraraa maitai roa ˈtu â râ te tiai mai ra!
Te fafau ra te Bibilia i te hoê mahana e mauruuru mau te feia atoa i to ratou oraraa. Eita faahou te taata e rohirohi, e fifi, e haapeapea e e faatupu i te manaˈo haaparuparu. (Isaia 65:21, 22) Te parau ra te Bibilia tera ‘te oraraa mau.’—Timoteo 1, 6:19, Te Faufaa Api.
“E patu ratou i te fare, e na ratou iho e parahi; e na ratou e tanu i te ô vine, a amu ai i te maa i reira. E ore ratou e patu, e na vetahi ê e parahi; e ore ratou e tanu, e na vetahi ê e amu; mai te mau mahana o te raau nei te mau mahana o to ˈu ra mau taata, e vai taiata te aho o to ˈu ra feia i maitihia i to te mau mea ta ratou i hamani.”—Isaia 65:21, 22.
E au atoa outou . . .
NO NIA IA MATOU
No te aha e haapii ai i te Bibilia?
E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?
