Nitwetaaga sente kusobora kutungira ab’omu maka gaitu ebyetaago byaabu. (Enfumo 30:8) Sente z’obulinzi. (Omugambizi 7:12) Obwire obumu kikusobora butabanguhira kubaza ha nk’ozesa y’esente, baitu ekyo mutakiikiriza kubaleetera ebizibu omu maka. (Abefeso 4:32) Kwesigangana kwija kubakonyera kwikiraniza ha mulingo murakozesamu sente.

BAIBULI EGAMBA: “Baitu araha omulinywe owaba nagonza kwombeka omunaara atabanza kwika’ra kubali’ra obwaraaba aine sente ez’ogumaliriza?” (Luka 14:28, NW) Kikuru muno kuko’ra hamu embali’ra. (Amosi 3:3) Mumanye ebimurukwetaaga n’asente ezirukwetaagisa kubigura. (Enfumo 31:16) Sente n’obu ziraaba ziroho, tikirukumanyisa ngu mumale gagura buli kintu. Mwerinde amabanja. Mulengeho kukozesa sente ezimwine.—Enfumo 21:5; 22:7.

EKY’OKUKORA:

• Hakumali’ra kw’omwezi obu muraaba musigaizeho sente, mucwemu eki murazikozesa

• Obu muraaba mukozesiize sente ezirukukira ha mbali’ra yaanyu, murole ngu mwakehya ha nturukya yaanyu. Nk’ekyokuroraho, obwoba oine ekintu kyoona eky’orukugonza kugura, serra ebbeeyi enungi mukiikaro ky’okumara gasasura

BAIBULI EGAMBA: “Tube beesigwa muli buli kimu hatali omu maiso ga Yahwe honka baitu n’omu maiso g’abantu.” (2 Abakolinso 8:21, NW) Kuba mwesigwa nikitwa’ramu kugambira mutahi waawe omusaara gwawe gwonyini ogw’otunga n’omulingo ogukozesamu.

Kirungi kwekaguzaho mutahi waawe otakacwiremu kukozesa sente omu mulingo gwona. (Enfumo 13:10) Kubazaho enkozesa ya sente kiija kubakonyera kulinda obusinge omu maka gaanyu. Kirungi buli omu kurora sente ezatunga nk’ezaabu kukira uwe wenka.—1 Timoseo 5:8.

EKY’OKUKORA:

• Mwikiranize ha sente buli omu ezasobora kukozesa atekagwizeho mutahi we

• Sente muzibazeho kara zitakabaleetire ebizibu