Ишагыя 11:1—16
11 Иша́й төбеннән+ үсенте+ үсеп чыгар,Аның тамырларыннан чыккан үренте+ җимешләр бирер.
2 Аңарда Йәһвә рухы,+Зирәклек+ һәм аңлау рухы,Киңәш һәм куәт рухы,+Белем һәм Йәһвәгә карата курку-хөрмәт рухы булыр.
3 Ул Йәһвәгә карата курку-хөрмәт күрсәтеп, шатлык табар.+
Ул күзләре күргәннәре буенча хөкем итмәс,Колаклары ишеткәннәре буенча гына фаш итмәс.+
4 Ул мескеннәрне дөреслек* белән хөкем итәр.
Җирдәге юашларның файдасына кешеләрне намуслылык белән фаш итәр.
Ул авызыннан чыккан таяк белән җиргә сугар+Һәм авызының сулышы* белән явызларны үтерер.+
5 Тәкъвалыкны биленә билбау итеп буар,Тугрылык белән билен бәйләр.+
6 Бүре вакыт-вакыт сарык бәрәне янында яшәр,+Каплан яшь кәҗә янында ятар,Бозау, арыслан һәм көр хайван — барысы бергә булыр.*+
Кечкенә малай аларны ияртеп йөрер.
7 Сыер һәм аю бергә тукланыр,Аларның балалары бергә ятар.
Арыслан, үгез кебек, салам ашар.+
8 Имчәк бала күзлекле еланның оясы янында уйнар,Имчәктән аерылган бала кулын агулы елан өненә сузар.
9 Алар минем бөтен изге тавымда бернинди зыян китермәс+Һәм бернәрсә дә җимермәс,+Чөнки, диңгез сулар белән тулы булган кебек,Җир, һичшиксез, Йәһвә турындагы белем белән тулыр.+
10 Ул көнне Ишай тамыры+ халыклар өчен билге* булып торыр.+
Аңа җитәкчелек эзләп халыклар борылыр,*+Һәм аның тору урыны данланыр.
11 Ул көнне Йәһвә үз халкының исән калган калдыгын Ассирия,+ Мисыр,+ Па́трос,+ Куш,+ Ила́м,+ Шина́р,* Хаматтан һәм диңгез утрауларыннан+ үзенә кайтарыр өчен тагын, икенче мәртәбә, ярдәм кулын сузар.
12 Ул халыклар өчен билге* куяр һәм Исраилнең таралган кешеләрен җыяр.+ Ул җирнең дүрт почмагыннан Яһүднең чәчелгән халкын бергә җыяр.+
13 Ифраимның көнчелеге юкка чыгар,+Яһүдкә дошманлык күрсәткән кешеләр юк ителер.
Ифраи́м Яһүдтән көнләшмәс,Яһүд тә Ифраимга каршы тормас.+
14 Алар көнбатышта өстән филистилеләр авышлыкларына ташланыр.
Алар берләшеп көнчыгыш халкын талар,Эдо́м+ белән Моабка+ кулын сузар.*
Амунлылар аларга буйсыныр.+
15 Йәһвә Мисыр диңгезенең култыгын бүләр,*+Бөек елгага*+ йодрыгын селкер,Көйдергеч сулышы* белән аның җиде тармагына сугар,*Шулай итеп кешеләр елганы сандалларын салмыйча кичә алыр.
16 Һәм Мисыр җиреннән чыккан көнне Исраи́л өчен зур юл булгандай,Аның халкының исән калган калдыгы+ өчен Ассириядән үз җиренә зур юл булыр.+
Искәрмәләр
^ Яки «тәкъвалык».
^ Сүзгә-сүз «иреннәренең рухы».
^ Я, бәлки, «Бозау һәм арыслан бергә тукланыр».
^ Яки «Халыклар аны эзләр».
^ Яки «билге баганасы».
^ Ягъни Бабыл патшалыгы.
^ Яки «билге баганасы».
^ Яки «Үз хакимлекләрен Эдом белән Моабка җәелдерер».
^ Я, бәлки, «корытыр».
^ Ягъни Евфратка.
^ Яки «рухы».
^ Я, бәлки, «аны җиде тармакка бүләр».