Зәбур 103:1—22
Давытның мәдхиясе.
103 Җаным Йәһвәне мактасын,Бөтен барлыгым аның изге исемен данласын.
2 Җаным Йәһвәне мактасын,
Кылган бар эшләрен һәрвакыт исендә тотсын.+
3 Ул синең бөтен гөнаһларыңны кичерә,+Бар газапларыңны җиңеләйтә.*+
4 Ул гомереңне гүрдән саклап кала,+Үзенең тугры мәхәббәтен һәм шәфкатен сиңа таҗ итеп кидерә.+
5 Ул гомерең буе сине яхшы нәрсәләр белән туендыра,+Һәм синең яшьлегең бөркетнеке шикелле яңара.+
6 Йәһвә тәкъвалык+ һәм гаделлек белән эш итә,Җәбер күрүчеләрнең барысы хакына.+
7 Ул үзенең юлларын — Мусага,+Эшләрен Исраи́л улларына ачкан.+
8 Йәһвә шәфкатьле һәм кызганучан,*+Ярсырга ашыкмый һәм тугры мәхәббәткә бай.+
9 Ул беркайчан да гаеп эзләп тормас,+Ачуын да мәңге сакламас.+
10 Ул кылган гөнаһларыбызга карап җәза бирми,+Хаталарыбызга карап кайтармый.+
11 Чөнки күкләр җирдән ни кадәр биек булса,Үзен тирән хөрмәт итүчеләргә аның тугры мәхәббәте шул кадәр бөек.+
12 Көнчыгыш көнбатыштан ни хәтле ерак булса,Ул җинаятьләребезне бездән шул хәтле ерак итә.+
13 Әти кеше үз улларына мәрхәмәтле булган кебек,Йәһвә дә үзен тирән хөрмәт итүчеләргә мәрхәмәтле.+
14 Чөнки ул безнең ничек яратылганыбызны яхшы белә,+Безнең туфрак икәнебезне онытмый.+
15 Үлемле кешенең көннәре яшел үләннеке күк.+
Ул, кыр чәчәге шикелле, чәчәк ата.+
16 Әмма җил өрсә, ул юк була,Гүя ул монда беркайчан да булмаган.
17 Әмма Йәһвә үзен тирән хөрмәт итүчеләргә+
Тугры мәхәббәтен мәңге* таныта,Тәкъвалыгын аларның балаларының балаларына,+
18 Үзенең килешүен тотучыларга+Һәм боерыкларын төгәл үтәүчеләргә күрсәтә.
19 Йәһвә күкләрдә үз тәхетен нык урнаштырган,+Аның патшалыгы бар нәрсә өстеннән хакимлек итә.+
20 Йәһвәне мактагыз, әй аның барлык гаять кодрәтле фәрештәләре,+Аның тавышын тыңлап сүзен үтәүчеләр.+
21 Йәһвәне мактагыз, аның барлык гаскәрләре,+Аның ихтыярын үтәүче хезмәтчеләре.+
22 Йәһвәне мактагыз, аның барлык иҗади эшләре,Ул хакимлек иткән һәр җирдә.
Бөтен барлыгым* Йәһвәне мактасын.
Искәрмәләр
^ Яки «Бар авыруларыңнан савыктыра».
^ Яки «киң күңелле».
^ Яки «мәңгедән-мәңгегә».
^ Яки «Җаным».