Гәләтиялеләргә 6:1—18
6 Кардәшләр, әгәр дә берәү үзе дә абайламыйча ялгыш адым ясаса да, сез, рухи яктан җитлеккәннәр, үзегезне юаш тотып, аны төзәтегез.+ Әмма вәсвәсәгә бирелмәс өчен,+ һәрберегез үз-үзен күзәтсен.+
2 Авырлыкларыгызны күтәрешеп йөрегез,+ һәм шулай эшләп Мәсих канунын үтәячәксез.+
3 Берәрсе, һичкем булмый торып, үзен әллә кемгә санап йөрсә,+ ул үз-үзен алдый.
4 Ләкин һәркем үз эшләрен сынасын,+ шул чакта ул үз эшләренә шатланачак. Ул үзен башка берәү белән чагыштырмасын.+
5 Һәркем бит үз йөген* үзе йөртәчәк.+
6 Моннан тыш, Аллаһы сүзенә телдән өйрәтелә торган һәркем үзенең бар яхшы нәрсәләрен үзенең өйрәтүчесе белән уртаклашсын.+
7 Алданмагыз: Аллаһыдан көлеп булмый. Кеше ни чәчсә, шуны урыр.+
8 Чөнки үзенең гөнаһлы тәне хакына чәчүче черү урыр, ә рух хакына чәчүче рухтан мәңгелек тормыш урыр.+
9 Игелек эшләп, бирешмик, чөнки хәлсезләнмәсәк,* үз вакытында урырбыз.+
10 Шуңа күрә, әле мөмкинлек* булганда, бар кешегә, бигрәк тә имандашларыбызга, игелек эшлик.
11 Карагыз, үз кулым белән сезгә нинди зур хәрефләр белән язам.
12 Сезне сөннәтле булырга мәҗбүр итүчеләрнең барысы башкаларда яхшы тәэсир калдырырга* тели һәм моны Мәсихнең җәфалану баганасы* хакына эзәрлекләнмәс өчен эшли.
13 Сөннәтлеләр үзләре дә Канунны тотмый,+ ләкин сезнең белән мактаныр өчен, сөннәтле булуыгызны тели.
14 Минем исә Хуҗабыз Гайсә Мәсихнең җәфалану баганасыннан* башка һичнәрсә белән мактанасым килми,+ аның аша бу дөнья минем өчен шул баганага кадакланып үтерелде, ә мин дөнья өчен кадакланып үтерелдем.
15 Сөннәтнең дә, сөннәтсез булуның да һич әһәмияте юк,+ яңа зат итеп яратылу әһәмиятле.+
16 Шушы тәртип буенча яшәүчеләрнең барысы — Аллаһы Исраиле+ — тынычлык һәм шәфкать татысын.
17 Моннан ары миңа һичкем авырлык тудырмасын, чөнки тәнемдә Гайсәнең колы булуымны күрсәтүче тамга йөртәм.+
18 Кардәшләр, сезгә чагылдырган рухыгыз өчен Хуҗабыз Гайсә Мәсихнең юмарт игелеге күрсәтелсен. Амин.
Искәрмәләр
^ Яки «җаваплылык йөген».
^ Яки «бирешмәсәк».
^ Сүзгә-сүз «билгеләнгән вакыт».
^ Яки «тышкы яктан яхшы булып күренергә».