Ландшафт дизайнерлары имән һәм өрәңге агачларын махсус билгеләп куелган участокка алып киләләр. 1 400 дән артык агач Уорвик территориясендә утыртылачак.

Уорвик хезмәтчеләре Хуҗаның кичке ашын үткәрә. Бу бинада ул көнне 384 кеше Кичәне бәйрәм итә. Кичә ел саен бөтен дөнья буенча Йәһвә Шаһитләре тарафыннан үткәрелә.

Монтажчылар капка янындагы йортка тәрәзә куя. Каравылчылар кунакларны каршы алачак, территорияне саклап утырачак һәм керә-чыга торган машиналарның үтеп баруларын күзәтәчәк.

Әти белән угыл икенче катта плиткалы ковролин җәя. Андый ковролинны җәмәгать урыннарында җәйгәннәр, чөнки берәр зыян килсә, кечкенә кисәкләрне алмаштыру җиңелрәк.

Монтажчылар офисның күчермә стеналарын урнаштыра. Андый стеналарны кулланып, офисны кирәк чакта зурайтырга-кечкенәйтергә була.

Эшче вестибюльгә якын кунаклар өчен бәдрәфләрне ышкып чыга, шуннан соң шунда унитазлар куелачак һәм стеналар урнаштырылачак.

Укулар вакытында МЧС хезмәткәрләре янгын сүндерергә җыена. Андый мәсьәләләрне тиз хәл итә белеп, алар Уорвиктагы персоналны һәм биналарны зыяннан саклар, шулай ук җирле янгын сүндерү бригадасына азрак эш булыр.

Төп ашханәдә официант Уорвик эшчеләрен иртәнге гыйбадәт башланганчы утырта. Иртәнге гыйбадәт шунда трансляция аша беренче тапкыр күрсәтелә.

Лазер тигезләгеч кулланып, монтажчы бәйтелчеләр һәм кунаклар өчен 2 500 нан артык юл күрсәткечләрнең берсен стенага беркетеп куя.

Эретеп ябыштыручы вестибюльдән аудиториягә илтә торган төп баскычка култыкса ясый. Рәсемнең астагы өлешендә күрсәтелгән, утка чыдый торган тукыма әзер отделканы зыяннан саклый.

Стена/түшәм өчен җаваплы бригаданың бер эшчесе гипсокартон эшкәртү белән маташа. Ул коридордан «Иман эштә» дип аталган, экскурсоводтан башка карап булган өч күргәзмәнең берсе башлана. Күргәзмәләрнең архитектура бизәкләрендә һәрбер бүлекнең темасы язылган.

Эшчеләр идәнне тыгызлар алдыннан чистарта. Андый процесс вакытында бетондагы ярыклар бетә, ә тигезсез җирләре тигезләнә, нәтиҗәдә, бетон озаграк хезмәт итә, һәм аны тиешле хәлдә саклау җиңел.

Монтажчылар бригадасы вестибюльгә керү урыны өстеннән стеклопластиктан япма урнаштыра. Үтә күренмәле панельләр төп керү урынын яктырта.

Ирле-хатынлы «Изге Язмалар һәм Аллаһының исеме» дигән күргәзмәгә керү урынында гранит плитка сала.

Монтажчы төп аудиториядә 1 018 урындыкның берсен урнаштыра. Ул аудиториядә Бәйтел гаиләсенең «Күзәтү манарасы»н өйрәнүе һәм башка теократик программалар үткәреләчәк.

Вестибюльдә эшчеләр рәхим сүзләре язылган, төнлә яктыртыла торган вывеска асып куялар.

Биналарны һәм җиһазларны ремонтлау бригадасыннан ике апа-кардәш вестибюльдәге эшчеләргә су китерә. Эссе булганда, төзүчелергә су эчәргә киңәш итәләр.

Монтажчы «Изге Язмалар һәм Аллаһының исеме» дигән күргәзмәнең витриналарын урнаштыра; пыяла астында сирәк Изге Язмалар данәләре сакланачак. Күргәзмәдә шулай ук төрле Изге Язмалар данәләре һәм Изге Язмаларга кагылышлы экспонатлар тулы әйләнмәле стендлар булачак.

Вестибюль стенасына проектор ярдәмендә төшерелгән карта эскизына карап, монтажчы Австралия һәм Көньяк-көнчыгыш Азиянең рәсемен картага беркетеп куя. Шушы стенага «Йәһвә Шаһитләре» дип якынча 700 телдә язалган.

Бәйтел гаиләсе Уорвикта яшәячәк һәм хезмәт итәчәк кешеләр өчен оештырылган лекцияне тыңлап утыра. Бу лекцияне рәхим сүзләре белән башлаганнар, аннары ничек ориентлашырга икәнен аңлатканнар һәм төзелеш әле бетмәгәнгә саклык чаралары күрергә кирәклеге турында сөйләгәннәр.

Монтажчылар «JW телевидениесе» программаны алып баручының өстәле өстеннән түгәрәк формасында яктырткычны урнаштырып элеп куя. Студиянең күпчелек өлешләре Бруклиннан инде күченеп килгән.

Электрик төп керү урынында светодиод лампалары белән яктыртыла торган язу урнаштыра. 1 сентябрьгә кадәр төп идарәнең күп бүлекләре эшләренә инде Уорвикка тотынган булган.