Ino Inga Ndalikwabilila Buti Kukucitwa naa Kwaambilwa Zyintu Ziletela Muzeezo Wakoonana?
Bwiinguzi bwamu Bbaibbele
Amulange-lange mizeezo eeyi iigwasya iiyeeme abusongo bujanika mu Bbaibbele:
Amucite mbuli mbobacita basimakwebo. Kamuseka-seka alimwi akubalemeka mbomubeleka limwi, pele amucitantamuke cilongwe citondezya kuti mulakonzya kuzumina koonana ambabo.—Matayo 10:16; Bakolose 4:6.
Kamusama cabulemu. Kusama zisani zitali zyabulemu cipa muzeezo uutaluzi kubantu bamulangilila. Ibbaibbele likulwaizya kusama “cabulemu alimwi acakulibatamika.”—1 Timoteyo 2:9.
Amube abalongwe bali kabotu. Kuti kamujanika abantu batalilemeki, andinywe mulalangilwa kucitwa zyintu eezyo nzyobabacita beenzinyoko.—Tusimpi 13:20.
Amwiikake mibandi iitali kabotu. Amuzwe abusena aawo kuti naa mumubandi kwatalika kwaambwa “makani aabufwubafwuba naa kwaamba masesya aajatikizya zitondwa.”—Baefeso 5:4.
Mutanoojaniki mubukkale bukonzya kumuletela penzi. Mucikozyanyo, amucenjele kuti muntu wamulomba kuti musyaalizye kumulimo mwakotoka kakunyina akaambo kalimvwisya.—Tusimpi 22:3.
Mweelede kwaamba cakusinizya alimwi cakutainda mumbali. Ikuti muntu watalika kumucita naa kumwaambila zyintu ziletela muzeezo wakoonana, amumwaambile kuti tamuyandi. (1 Bakolinto 14:9) Mucikozyanyo, mulakonzya kwaamba kuti: “Mwatalika kaindi kundiguma, tandiyandi ncomucita eeco.” Mulakonzya kumulembela lugwalo muntu ooyu kumwaambila zyintu zyakacitika, mbomwakalimvwa, alimwi ancomuyanda lino. Amumwaambile cakusalazya kuti nzyomucita ziyeeme azyintu nzyomusyoma kujatikizya kulilemeka alimwi abukombi.—1 Batesalonika 4:3-5.
Amulombe lugwasyo. Ikuti muntu ooyo wazumanana, amwaambile mweenzinyoko ngomusyoma, wamumukwasyi, naa ngomubeleka limwi naa muntu ulaaluzyibo mukugwasyilizya bantu bacitwa naa kwaambilwa zyintu ziletela muzeezo wakoonana. (Tusimpi 27:9) Bantu banji bapenzyegwa munzila eeyi balajana lugwasyo kwiinda mumupailo. Nokuba kuti tamuna buzuba mwapaila, tamweelede kuubya lugwasyo ndomukonzya kujana kuli Jehova, “siluumbulizyo loonse.”—2 Bakolinto 1:3.
Kucitwa naa kwaambilwa zyintu ziletela muzeezo wakoonana kupa kuti bantu banji kabatabeleki kabotu kumulimo, pele Bbaibbele lilakonzya kugwasya.
Andiza Inga Mwaakkomanina Ayaaya
BAKUBUSI BALABUZYA
Ino Inga Ndacita Buti Kuti Naa Kabandicita Naa Kundaambila Zyintu Zileta Muzeezo Wakoonana?
Amwiiye ncocaamba kucitwa naa kwaambilwa zyintu zileta muzeezo wakoonana alimwi ancomweelede kucita ikuti mwacitwa naa kwaambilwa zyintu zileta muzeezo wakoonana.
BAKUBUSI BALABUZYA
Ncinzi Ncondeelede Kuzyiba Kujatikizya Kusinikizyigwa Koonana?—Cibeela 1: Kulikwabilila
Zintu zyotatwe zilakonzya kumugwasya kutegwa mutasinikizyigwi koonana.
NZYOBAAMBA BEENZINYOKO
Nzyobaamba Bakubusi Kujatikizya Kucitwa naa Kwaambilwa Zyintu Zileta Muzeezo Wakoonana
Amumvwe nzyobakaamba bakubusi bosanwe kujatikizyigwa kucitwa naa kwaambilwa zyintu zileta muzeezo wakoonana alimwi aceelede kucitwa kuti eeci cacitika.
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.