Ino Mazyina Aabani Aalembedwe “Mubbuku Lyabuumi”?
Bwiinguzi bwamu Bbaibbele
“Bbuku lyabuumi,” alimwi iliitwa kuti “bbuku lyakwiibalusya,” lijisi mazyina aabantu bajisi bulangizi bwakutambula cipego cabuumi butamani. (Ciyubunuzyo 3:5; 20:12; Malaki 3:16) Leza ulasala mazyina aayo kweelana ambwasyomeka muntu kulinguwe.—Johane 3:16; 1 Johane 5:3.
Leza ulabayeeya boonse babelesi bakwe basyomeka, mbuli kuti mazyina aabo wakaalemba mubbuku, “kuzwa kumatalikilo” aanyika. (Ciyubunuzyo 17:8) Abelo muntu wakali kusyomeka, kulangilwa kuti ngowakali wakusaanguna kulembwa mubbuku lyabuumi. (Bahebulayo 11:4) Tauli buyo mulongo wamazyina aanyina mulimo, akaambo kakuti bbuku lyabuumi litondezya kuti Jehova ngu Leza siluyando ‘uubazyi aabo babalilwa kulinguwe.’—2 Timoteyo 2:19; 1 Johane 4:8.
Sena mazyina alakonzya kugwisyigwa “mubbuku lyabuumi”?
Inzya. Kujatikizya bantu batakamumvwida mu Israyeli wansiku, Leza wakaamba kuti: “Oyo uundibisizya ngonguwe ngonjooziminganya mubbuku lyangu.” (Kulonga 32:33) Pele kuti twazumanana kusyomeka tunoolembedwe “mubbuku lyabuumi.”—Ciyubunuzyo 20:12.