Ibbaibbele, alimwi litegwa Magwalo Aasalala, lijisi makani manji aabusongo. Nokuba boobo, amubone mbolilyaamba Bbaibbele: “Magwalo oonse akasololelwa a Leza.” (2 Timoteyo 3:16) Kuli bumboni bunji businizya kaambo aaka. Amubone twaambo ootu tutobela:

•   Kunyina wakazwidilila kale mukukazya ncolyaamba Bbaibbele kujatikizya makani aakaindi.

•   Basikulemba Bbaibbele bakali bantu basyomeka ibakalemba kuzwa ansi aamoyo. Kusyomeka kwabo kutondezya kuti bakalemba kasimpe.

•   Bbaibbele lijisi mutwe wamakani mupati uujatikizya: kusinizya nguzu zya Leza izyakulela bantu alimwi akuzuzikizyigwa kwamakanze aakwe kwiinda mukubelesya Bwami bwakwe bwakujulu.

•   Nokuba kuti kwainda myaka minji kuzwa nilyakalembwa, Ibbaibbele talijisi mizeezo yasayaansi yakubeja njobakali kusyoma bantu kaindi.

•   Bumboni bulembedwe butondezya kuti businsimi bwamu Bbaibbele bulazuzikizyigwa.