Jesu ulizyi mbocimvwika kupenga akaambo kabugwebenga alimwi akutalulama. Wakatamikizyigwa twaambo, wakaumwa katajisi mulandu, wakabetekwa cakutalulama, wakaangwa, akujaigwa munzila iicisa. Nokuba kuti tanaakajisi mulandu, cakulyaaba wakapa “buumi bwakwe kuti bube cinunuzyo cakununuzya banji.” (Matayo 20:28; Johane 15:13) Lino mbwaanga Mwami wa Bwami bwa Leza, uyooleta bululami nyika yoonse, akumanizya bugwebenga cakumaninina.​—Isaya 42:3.

 Bbaibbele lilaamba nyika mboiyakuba Jesu aakubweza ntaamu:

•   “Ibantu babi tabakabi limbi pe; uyoolanga nkobakabede, pele tabakabiko pe. Pele babombe myoyo bayookona nyika, eelyo bayoobotelwa kapati muluumuno lunji.”​—Intembauzyo 37:10, 11.

 Mbuti mbotukonzya kutondezya kulumba kuzintu nzyaakatucitila Jesu alimwi anzyayootucitila kumbele? Mumajwi aalembedwe ku Luka 22:19, Jesu wakaambila basikumutobela kuti kabaluyeeya lufwu lwakwe. Nkakaambo kaako, mwaka amwaka Bakamboni ba Jehova balaswaangana antoomwe mubuzuba mbwaakafwa. Twamutamba kuti mukatusangane ku Ciibalusyo calufwu lwa Jesu mu Nsondo, March 24, 2024.

Amujane Ciibalusyo