“Leza . . . uyoosindula misozi yoonse kumeso aabo, alimwi lufwu talukooyoobako limbi, akwalo koomoka, kulila nokuba kucisa takukooyoobako limbi.”—Ciyubunuzyo 21:3, 4, Busanduluzi bwa Nyika Mpya.

Mulakonzya kusinizya kuti Leza talinguwe uupa kuti katupenga.—Jakobo 1:13.

Mulakonzya kuumbulizyigwa akaambo kakuzyiba kuti Leza ulizyi mbotulimvwa ciindi notupenga.—Zekariya 2:8.

Mulakonzya kuba abulangizi bwakuti kupenga koonse kuyoomana.—Intembauzyo 37:9-11.

Inzya, akaambo katwaambo ootu tobilo:

• Leza takkomani kubona bantu kabapenga akucitilwa zyintu zitaluleme. Amuyeeye mbwaakalimvwa Jehova Leza ciindi bantu bakwe nibakali kupenzyegwa kaindi. Bbaibbele lyaamba kuti wakali kuusa akaambo “kabaabo ibakali kubapenzya.”—Babetesi 2:18, The Bible in Tonga, [1963].

  Leza tabayandi aabo ibacisa bamwi. Mucikozyanyo, Bbaibbele lyaamba kuti “maanza aatila bulowa bwabaabo batakwe mulandu” ulaasulide.—Tusimpi 6:16, 17.

• Leza ulatubikkila maano umwi aumwi kumugama. Tabali buyo bantu balikke ibazyi umwi aumwi ‘mapenzi aamumoyo wakwe,’ pele awalo Jehova ulaazyi!—2 Makani 6:29, 30.

  Kwiinda mukubelesya Bwami bwakwe, Jehova ino-ino uyakwaamana mapenzi aamuntu umwi aumwi. (Matayo 6:9, 10) Kwaciindi ecino, ulabaumbulizya aabo bamuyandaula camoyo woonse.—Milimo 17:27; 2 Bakolinto 1:3, 4.