Jeremiya 10:1-25
10 Amumvwe jwi ndyaamwaambila Jehova kumucenjezya nywebo, nobamuŋanda ya Israyeli.
2 Mboobu mbwaamba Jehova:
“Mutasoli kwiiya nzila zyamasi pe,+Alimwi mutayoowi zitondezyo zyakujuluAkaambo kakuti masi alaziyoowa.+
3 Nkaambo ziyanza zyabantu bamasi nzyabuyo.
Ncisamu buyo camusyokwe cigonkedwe,Ncafwala syaabupampu acibelesyo* cakwe.+
4 Balacibotya ansiliva alimwi angolida+Kumane balacigagaila ampikili kubelesya nsando kutegwa citawi.+
5 Mbuli ciyamizyo mumuunda wamakowa, tazikonzyi kwaambaula;+Nzyakunyamuna buya lyoonse, nkaambo tazikonzyi kweenda.+
Mutaziyoowi pe, nkaambo tazikonzyi kucita cibi,Nokuba kucita cintu cibotu.”+
6 Kunyina uuli mbuli nduwe, O Jehova.+
Uli mupati, alyalo zina lyako ndipati alimwi lilaanguzu.
7 Ino nguni uuteelede kukuyoowa, yebo O Mwami wamasi?+ Nkaambo yebo uleelede kuyoowegwa;Nkaambo akati kabasongo boonse bamumasi alimwi aakati kamami aabo oonse,Kunyina naba omwe uuli mbuli nduwe.+
8 Boonse buyo tabayeeyi alimwi mbafwubafwuba.+
Kulaililwa acisamu nkwabuyo.+
9 Baleta nsiliva iipapalete kuzwa ku Tarisi+ angolida kuzwa ku Ufazi,Imulimo wamaanza aasyaabupampu, amulimo wamaanza aamufwuzi.
Zisani zyabo nzyantali yamubala wacikambwe alimwi nzyaboya bwambelele bwakanyikwa mumubala wacisombo.
Zyoonse buyo milimo yabasyaazibwene.
10 Pele Jehova ngo Leza ncobeni.
Ngo Leza muumi+ alimwi Mwami walyoonse alyoonse.+
Akaambo kabukali bwakwe nyika iyoozungaana,+Alimwi kunyina masi aayakuliyumya walo aakunyema.
11 * Mboobu mbomweelede kubaambila:
“Baleza ibatakapanga majulu anyikaBayooloba munyika alimwi aansi aamajulu aaya.”+
12 Walo ngo Mulengi wanyika kwiinda munguzu zyakwe,Ooyo wakasitikizya nyika mbotu kwiinda mubusongo bwakwe+Alimwi ooyo iwakatandabula majulu mumaano aakwe.+
13 Ciindi napa kuti jwi lyakwe limvwugwe,Maanzi alavwuuma kujulu,+Alimwi upa kuti makumbi* aunke mujulu kuzwa kumagolelo aanyika.+
Upa kuti tulabo tumweke noiwa mvwula,*Alimwi upa kuti muwo wuunge kuzwa muziyobwedo zyakwe.+
14 Bantu boonse bacita zintu cakutayeeya alimwi cakubula luzyibo.
Bafwuzi boonse bayakuusyigwa nsoni akaambo kacikozyanyo cibezedwe;+Nkaambo zikozyanyo zyabo zifwulidwe nzyakubeja,Alimwi kunyina muuya* mulinzizyo.+
15 Nzyabuyo, mulimo wakufwubaazya.+
Ziyooloba bwaakusika buzuba mboziyoobetekwa.
16 Caabilo ca Jakobo tacili mbuli zintu eezyi pe,Nkaambo walo ngo Mulengi wazintu zyoonse,Alimwi Israyeli ngomusako walukono lwakwe.+Jehova wamakamu ndezina lyakwe.+
17 Konyamuna cibbudu cako cili ansi,Yebo omukaintu ookkede kosinkilidwe abasikukulwana.
18 Nkaambo mboobu mbwaamba Jehova:
“Bona, aciindi ecino ndilabatapula* bantu bakkala munyika,+Alimwi ndilabapa kupenga kapati.”
19 Maawe kulindime akaambo kakuti ndapwaigwa!+
Cilonda cangu tacisilikiki pe.
Alimwi mebo ndakaamba kuti: “Masimpe oobu mbobulwazi bwangu, aboobo nsikonzyi kubutija.
20 Tente lyangu lyanyonyoonwa, alimwi ntambo zyatente lyangu zyoonse zyadunsaulwa.+
Bana bangu bandisiya, alimwi tabaciko pe.+
Takucikwe uutandabula tente lyangu naa wiimika milembo yatente lyangu.
21 Nkaambo beembezi bacita zintu cakutayeeya,+Alimwi kunyina nibamubuzya Jehova.+
Nkakaambo kaako ncibatacita zintu camaano,Alimwi matanga aabo oonse amwaika.”+
22 Amuswiilile! Mulumbe! Ulaboola!
Kupwayaula kupati kuzwa kucisi cili kunyika,+Kutegwa kupe minzi ya Juda kuba matongo, ibusena bukkala bamwaaba.+
23 Ndilizyi kabotu, O Jehova, kuti muntu tapedwe nguzu zyakuzyiba nzila yakwe.
Muntu weenda tapedwe nguzu zyakusololela noziba ntaamu zyakwe.+
24 Kondilulamika, O Jehova, mubululami,Pele ikutali mubukali bwako,+ kutegwa utandilobyi.+
25 Bukali bwako kobutila amasi aayo aakuunduluzya+Aamikowa yabantu iitaiti zina lyako.
Nkaambo Jakobo+ amulya cakumaninina,Inzya, amulya cakumaninina akumunyonyoona,+Alimwi anyonyoona cisi cakwe.+
Bupanduluzi buyungizyidwe
^ Naa “ancezulo.”
^ Kapango 11 kumatalikilo kakalembedwe mu Chiaramu.
^ Naa ambweni, “Upanga nzila mwiinda mvwula.”
^ Naa “sikunku.”
^ Naa “muya.”
^ Naa “ndilabasowela ooko.”
